மனோஜ் - ரோகிணி ஏற்பாடு செய்த பார்ட்டியில் இறுதியில் ஆண்கள் அனைவரும் குடிக்கின்றனர். முத்து பாடல் ஆட்டம் என என்ஞாய் செய்கிறார். மனோஜின் பிஸ்னஸ் கைக்கூடிவிட்ட நிலையில் முத்து அந்த தொழிலதிபரிடம் உண்மைகளை உளரிவிடுகிறார். ஆனாலும் நீங்க நேர்மையா இருக்குறது பிடிச்சிருக்கு, உங்க அண்ணன் மனோஜுக்குத்தான் இந்த டீல் கொடுப்பேன் என்று அந்த தொழிலதிபர் சொல்கிறார்.
அனைவரும் போதையில் இருக்க, லிஃப்ட்டில் செல்லும் போது ரோகிணி முத்துவின் மொபைல் போனை எடுத்து மனோஜின் கோட்டு பாக்கெட்டில் வைக்கிறார். முத்து போதையில் இருப்பதால் இப்போதைக்கு மொபைல் போனை தேட மாட்டார். வீட்டிற்கு சென்றதும் மொபைலை மனோஜ் பாக்கெட்டில் இருந்து எடுத்துவிடலாம் என்பது அவரது திட்டம்.
அண்ணாமலை குடித்துவிட்டு வந்திருக்கும் மகன்களுக்கு தண்டனைக் கொடுக்கிறார். வழக்கம் போல விஜயா முத்துவை மட்டும் திட்டுகிறார். முத்து, மனோஜ், ரவி வீட்டின் வெளியே தூங்குகின்றனர். அந்த சமயத்தில் மீனா முத்துவின் அருகே சென்று அமர்ந்து கொண்கிறார். எனவே ரோகிணியால் மனோஜ் பாக்கெட்டில் இருக்கும் மொபைலை எடுக்க முடியவில்லை.
நேற்று வெளியான ப்ரோமோவில், முத்து போதைத் தெளிந்ததும் மொபைல் போனை தேடுகிறார். ஆனால் காணவில்லை. மொபைல் போனுக்கு கால் செய்தால் ஸ்விட்ச் ஆஃப் என்று வருகிறது. ரோகிணி ஓரமாக நின்று கொண்டு நக்கலாக சிரித்து கொண்டிருக்கிறார். எனவே முத்துவின் மொபைலை அவர் எடுத்துவிட்டார் என்றுத் தெரிகிறது.
முத்து தன் நண்பர்களுக்கு கால் செய்து தன் மொபைல் காணாமல் போன விஷயத்தையும், சத்யாவின் வீடியோ அதில் இருப்பதையும் சொல்லி பதற்றம் அடைகிறார். அதோடு ப்ரோமோ முடிகிறது.
ரோகிணி மொபைல் போன் எடுத்துவிட்டார், ஆனால் அந்த வீடியோவை சிட்டியிடம் கொடுத்துவிட்டாரா என்பது இன்னும் தெரியவில்லை. அதற்குள் முத்து எப்படியாவது தடுத்து விடுவாரா என்பதை பொறுத்திருந்து பார்க்கலாம்.
கயல் : முடிவுக்கு வந்த பிரச்னைகள்
கயல் சீரியலில் அடுத்தடுத்து பாசிட்டிவ் காட்சிகள் வரவுள்ளது. கத்தி குத்து காயங்களுடன் மருத்துவமனையில் அனுமதிக்கப்பட்ட மூர்த்தி பிழைத்துவிட்டார். கயலுக்கு அவரின் மாமியார் மீது சந்தேகம் எழுகிறது, மூர்த்தியை கொல்ல அவர் திட்டமிட்டிருப்பார் என நினைக்கிறார்.
இன்று வெளியான வீக்லி ப்ரோமோவில், மூர்த்தி மருத்துவமனையில் இருந்து வீட்டிற்கு வருகிறார். கயல்-எழில் மகிழ்ச்சியாக தலை தீபாவளி கொண்டாடுகின்றனர். அதை பார்த்து சிவசங்கரி கடுப்பாகிறார். மூர்த்தியை கொல்ல நினைத்தது யார் என்பதை கண்டுப்பிடித்து தண்டனை வாங்கி கொடுக்க வேண்டும் என கயல் சபதம் எடுக்கிறார். பல மாதங்களாக பிரச்னைகளை மட்டும் பார்த்து வரும் கயல் சீரியல் ரசிகர்கள், இந்த வாரம் மகிழ்ச்சியான காட்சிகளை பார்த்து ரசிக்கலாம்!
from விகடன்
Comments