ஜேம்ஸ் கார்த்திக், எம்.நியாஸ் தயாரிப்பில், அறிமுக இயக்குநர் K.முருகன் இயக்கத்தில், ஜேம்ஸ் கார்த்திக் நாயகனாக அறிமுகமாகும் திரைப்படம் 'சீரன்'(Seeran). இந்தத் திரைப்படத்தில், இனியா, சோனியா அகர்வால், ஆடுகளம் நரேன், அஜீத், கிரிஷா குருப், சேந்திராயன், ஆர்யன், அருந்ததி நாயர் ஆகியோர் முக்கிய கதாபாத்திரங்களில் நடித்துள்ளனர். இந்த நிலையில், சீரன் திரைப்படத்தின் இசை வெளியீட்டு விழா சென்னையில் நடைபெற்றது.
இந்த விழாவில் கலந்துகொண்ட சிவா மனசுல சக்தி, ஒரு கல் ஒரு கண்ணாடி படங்களை இயக்கிய ராஜேஷ்.எம் , நகைச்சுவையான ஒரு அனுபவத்தைப் பகிர்ந்துகொண்டார். அவர் பேசும்போது, ``என் திரைப்படத்தில் பணியாற்றிய இயக்குநருக்கு வாய்ப்பு கொடுத்த ஜேம்ஸ் கார்த்திக்குக்கு என்னுடைய நன்றிகள். எங்களிலிருந்து இன்னும் ஒருவர் மேலே வந்திருப்பது மகிழ்ச்சியாக இருக்கிறது. இந்த திரைப்படத்தின் பாடலாசிரியர்கள் இசை வெளியீட்டு விழாவுக்கு வந்திருக்கிறார்கள். என் 'பிரதர்' படத்தில் மக்கா மிஷின் என்ற பாடலை எழுதியவர் பால்டப்பா. அவரின் இயற்பெயர் அனிஷ். ஆனால் அவரை அப்படி அழைத்தால் கோபப்படுவார்.
அவரை என் படத்தின் ஆடியோ ரிலீஸ் நிகழ்ச்சிக்கு அழைத்தபோது, `அந்தப் பாட்டு ஆல்ரெடி ரிலீஸ் ஆகி ஹிட் ஆகிருச்சி ப்ரோ... ரிலீஸ் ஆனத்துக்கு அப்புறம் எதுக்கு ப்ரோ ஆடியோ பங்க்ஷனுக்கு வரனும்... ரிலீஸ் ஆகாத பாட்டை எழுதினவங்களை கூப்பிடுங்க..." எனக் கூறினார். இந்த பதிலால் ஷாக் ஆனேன். உடனே, மற்றவர்களை வாழ்த்தவாவது வரணும். எல்லாரும் வருவார்கள் ... நீங்களும் வரவேண்டும் எனக் கூறினேன், `ப்ரோ... யாருக்குலாம் விஷ் பண்ணனுமோ அவங்க நம்பர் எல்லாம் அனுப்பி விடுங்க... நான் ஃபிரியா இருக்கும்போது மெசெஜ் பண்ணி விஷ் பண்ணிடுறேன்..." எனக் கூறினார்.
இதை எப்படி எடுத்துக்கொள்வது, என்ன சொல்வது எனத் தெரியாமல்... எதேதோ பேசி அவரை வற்புறுத்தி ஆடியோ ரிலீஸ் நிகழ்வுக்கு அழைத்தேன். அதனால் அவரும் நிகழ்ச்சிக்கு வந்தார். ஆனால், வந்தவர் ஸ்டேஜில் கூட ஏறாமல், எல்லோருக்கும் வாழ்த்து சொல்லிவிட்டு 'எனக்கு வேற வேலை இருக்கு ப்ரோ..." எனக் கிளம்பிவிட்டார். அதனால், பாடலாசிரியர்களும் இசை வெளியிட்டு விழாவுக்கு வரவேண்டும் என இதன் மூலம் தெரிவித்துக்கொள்கிறேன்" என நகைச்சுவையாகப் பேசி முடித்தார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/E0QlpeNbGHnF9W5rFKCVSU
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
from விகடன்
Comments