Serial Updates: `பாவம் கணேசன்' தொடர் நேஹாவின் வளைகாப்பு; மலையாளத் தொடரில் கமிட்டான இரட்டை சகோதரிகள்!
விஜய் டிவியில் ஒளிபரப்பான தொடர் `பாவம் கணேசன்'. இந்தத் தொடரில் கதாநாயகியாக நடித்தவர் நேஹா. இவர் திருமணமாகி கணவருடன் பெங்களூருவில் வசித்துக் கொண்டிருக்கிறார்.
நேஹா பிக் பாஸ் கன்னடா சீசன் 9-ல் போட்டியாளராகக் கலந்துகொண்டார். போட்டியாளராக அந்த வீட்டினுள் அவர் விளையாடியது பலருக்கும் பிடித்திருந்தது. தமிழில் `பாவம் கணேசன்' தொடருக்குப் பிறகு அவர் எந்தத் தொடரிலும் கமிட் ஆகாமல் இருந்தார்.
சமீபத்தில் அவர் கர்ப்பமான செய்தியை அவருடைய ரசிகர்களுக்கு அறிவித்திருந்தார். இந்நிலையில் அவருடைய வளைகாப்பு நிகழ்வு பெங்களூரில் வைத்து நடைபெற்றிருக்கிறது. நண்பர்கள், உறவினர்கள் முன்னிலையில் எளிமையான முறையில் வளைகாப்பு நிகழ்வு நடைபெற்றிருக்கிறது.
இந்த நிகழ்வில் ஸ்ருதி சண்முகப்பிரியா, ஶ்ரீதேவி அசோக் போன்ற தமிழ்ச் சின்னத்திரை நடிகர்களும் கலந்துகொண்டு அவரை வாழ்த்தியிருக்கின்றனர். வாழ்த்துகள் நேஹா!
விஜய் டிவியில் ஒளிபரப்பான `கதாநாயகி' ரியாலிட்டி ஷோவில் டைட்டில் வின்னர் பட்டத்தை வென்றவர் ரூபினா, ரூபிசேனா சகோதரிகள். அந்த நிகழ்ச்சியில் டைட்டில் பட்டத்தை வெல்பவர் விஜய் டிவியில் புதியதாக வரவிருக்கும் தொடரில் நாயகியாக நடிக்கும் வாய்ப்பு கிடைக்கும் என்ற அறிவிப்புடன் அந்த நிகழ்ச்சி ஒளிபரப்பானது.
அந்த நிகழ்ச்சியில் போட்டியாளராக கலந்து கொண்ட ஷாலினி தற்போது விஜய் டிவியில் ஒளிபரப்பாகிக் கொண்டிருக்கும் `பாண்டியன் ஸ்டோர்ஸ்' தொடரில் நாயகியாக நடித்துக் கொண்டிருக்கிறார். இந்நிலையில் இரட்டை சகோதரிகள் இருவரும் தற்போது மலையாள தொடர் ஒன்றில் என்ட்ரியாகி இருக்கிறார்கள். அந்தத் தொடர் இவர்களுக்கு மிகுந்த வரவேற்பை பெற்றுத் தந்து கொண்டிருக்கிறது. அவர்களுடைய ரசிகர்கள் பலரும் அவர்களுக்கு வாழ்த்துகள் கூறி வருகின்றனர்.
from விகடன்
Comments