ரயில் (தமிழ்)
பாஸ்கர் சக்தி இயக்கத்தில் குங்குமராஜ் முத்துசாமி, பர்வைஸ் மஹ்ரூ, வைரமாலா, ரமேஷ் வைத்யா உள்ளிட்டோர் நடிப்பில் உருவாகியுள்ள திரைப்படம் 'ரயில்'. மதுவிற்கு அடிமையாகியிருக்கும் முத்தையா என்ற கதாபாத்திரத்திற்கும், வேலைக்காக வடஇந்தியாவிலிருந்து தமிழ்நாட்டிற்கு வந்த வடஇந்திய இளைஞருக்கும் இடையே நடக்கும் பிரச்னைகளைப் பேசுவதன் வழியாக, வடஇந்தியர்கள் - தென்னிந்திய தொழிலாளர்களின் முரண்களைப் பேசுவதுதான் இதன் கதைக்களம். இத்திரைப்படம் ஜூன் 21ம் தேதி (வெள்ளிக் கிழமை) திரையரங்குகளில் வெளியாகியுள்ளது.
லாந்தர் (தமிழ்)
சஜி சலீம் இயக்கத்தில் விதார்த், ஸ்வேத தோரதி, சஹானா சந்திரசேகர் உள்ளிட்டோர் நடிப்பில் உருவாகியுள்ள திரைப்படம் 'லாந்தர்'. சிட்டியில் தொடர் கொலைகளில் ஈடுபடும் சீரியல் கில்லரைப் பிடிப்பதற்காகப் போராடும் காவல் அதிகாரியின் திரில்லர் கதை இது. போலிஸ் க்ரைம் திரில்லர் திரைப்படமான இது ஜூன் 21ம் தேதி (வெள்ளிக் கிழமை) திரையரங்குகளில் வெளியாகியுள்ளது.
பயமறியா பிரம்மை (தமிழ்)
ராகுல் கபாலி இயக்கத்தில் குருசோமசுந்தரம், ஹரிஸ் உத்தமன், ஜான் விஜய், வினோத் சாகர், சாய் பிரியங்கா ரூத், ஜாக் ராபின்சன் உள்ளிட்டோர் நடிப்பில் உருவாகியுள்ள திரைப்படம் 'பயமறியா பிரம்மை'. கொலை குற்றவாளி ஜெகதீஸ் மற்றும் எழுத்தாளருக்குமிடையே நடக்கும் உரையாடல், ஜெகதீஸ் செய்த கொலைக்குப் பின்னால் இருக்கும் கதைதான் இதன் கதைக்களம். சஸ்பென்ஸ் திரில்லர் திரைப்படமான இது ஜூன் 21ம் தேதி (வெள்ளிக் கிழமை) திரையரங்குகளில் வெளியாகியுள்ளது.
Ullozhukku (மலையாளம்)
கிறிஸ்கிறிஸ்டோ டாமி இயக்கத்தில் ஊர்வசி, பார்வதி, அர்ஜுன் ராதாகிருஷ்ணன், ஆலன்ஸியர் லே லோபஸ் உள்ளிட்டோர் நடிப்பில் உருவாகியுள்ள திரைப்படம் 'Ullozhukku'. வெள்ளத்தால் கணவன் இறந்துபோக கர்ப்பமாக இருக்கும் மனைவிக்கும் (பார்வதி) அவரது மாமியருக்கும் (ஊர்வசி) இடையே நடக்கும் உளவியல் ரீதியிலான பிரச்னைகள், மாமியாருக்கு மருமகள் மீது வரும் சந்தேகங்கள், பார்வதி மறைத்து வைத்திருக்கும் ரகசியம் என சோகத்திலிருந்து விறுவிறுப்புடன் நகரும் இந்த த்ரில்லர் திரைப்படம் ஜூன் 21ம் தேதி (வெள்ளிக் கிழமை) திரையரங்குகளில் வெளியாகியுள்ளது.
Nadanna Sambhavam (மலையாளம்)
விஷ்ணு நாராயணன் இயக்கத்தில் பிஜு மேனன், சுராஜ், லிஜோமோல் ஜோஷ், ஸ்ருதி ராமச்சந்திரன் உள்ளிட்டோர் நடிப்பில் உருவாகியுள்ள திரைப்படம் 'Nadanna Sambhavam'. பக்கத்துப் பக்கத்து வீட்டுக்காரர்களான இரண்டு குடும்பத்தினருக்கும் இடையே நடக்கும் கலாட்டா, பிரச்னை நேசம் என ஜாலியான திரைப்படமாக உருவாகியிருக்கும் இது ஜூன் 21ம் தேதி (வெள்ளிக் கிழமை) திரையரங்குகளில் வெளியாகியுள்ளது.
Jahangir National University (JNU) - இந்தி
.jpg)
வினய் ஷர்மா இயக்கத்தில் சித்தார்த் போட்கே, ஊர்வசி ரவுடேலா, பீயூஷ் மிஷ்ரா, ரவி கிஷான், ராஷ்மி தேசாய், விஜய் ராஷ் உள்ளிட்டோர் நடிப்பில் உருவாகியுள்ள திரைப்படம் 'Jahangir National University (JNU)'. JNU பல்கலைக்கழகத்தில் நடக்கும் அரசியல் பிரச்னைகள், கலவரங்கள், மாணவர்களிடையே நடக்கும் பாகுபாடுகள் போன்றவற்றை அடிப்படையாகக் கொண்டு எடுக்கப்பட்டிருக்கும் இத்திரைப்படம் ஜூன் 21ம் தேதி (வெள்ளிக் கிழமை) திரையரங்குகளில் வெளியாகியுள்ளது.
Creation of the Gods 1: Kingdom of Storms (ஆங்கிலம், தமிழ்)
வேர்ஷன் இயக்கத்தில் கிறிஸ் ஃபிலிப்ஸ், லி சூஜன், ஹுஹாங் பு உள்ளிட்டோர் நடிப்பில் உருவாகியுள்ள திரைப்படம் 'Creation of the Gods 1: Kingdom of Storms'. ஆக்ஷன், அட்வென்சர் பேண்டஸி திரைப்படமான இது ஜூன் 21ம் தேதி (வெள்ளிக் கிழமை) திரையரங்குகளில் வெளியாகியுள்ளது.
The Exorcism (ஆங்கிலம்)
ஜோஷ்வா ஜான் மில்லர் இயக்கத்தில் ரசல் குரோவ், ரயான் சிம்ப்கின்ஸ், சாம் வொர்த்திங்டன், சோலே பைலி உள்ளிட்டோர் நடிப்பில் உருவாகியிருக்கும் திரைப்படம் 'The Exorcism'. ஹாரர் திரில்லர் திரைப்படமான இது ஜூன் 21ம் தேதி (வெள்ளிக் கிழமை) திரையரங்குகளில் வெளியாகியுள்ளது.
The Bikeriders (ஆங்கிலம்)
ஜெஃப் நிக்கோல்ஸ் இயக்கத்தில் ஆஸ்டின் பட்லர், ஜோடியி காமர், டாம் ஹார்டி மற்றும் மைக்கேல் ஷானன் உள்ளிட்டோர் நடிப்பில் உருவாகியுள்ள திரைப்படம் 'The Bikeriders'. பைக் கிளப்பின் நீண்ட பயணமும், அதில் நடக்கும் அட்வென்சர் ஆக்ஷன்களும்தான் இதன் கதைக்களம். இத்திரைப்படம் ஜூன் 21ம் தேதி (வெள்ளிக் கிழமை) திரையரங்குகளில் வெளியாகியுள்ளது.
இந்த வார ஓடிடி ரிலீஸ்
Trigger Warning (ஆங்கிலம்)
மௌலி சூர்யா இயக்கத்தில் ஜெசிகா ஆல்பா, மார்க் வெப்பர், அந்தோணி மைக்கேல் ஹால் உள்ளிட்டோர் நடிப்பில் உருவாகியுள்ள திரைப்படம் 'Trigger Warning'. ஆக்ஷன் திரில்லர் திரைப்படமான இது 'Netflix' ஓடிடி தளத்தில் வெளியாகியுள்ளது.
இந்த வார வெப்சீரிஸ்கள்
Kota Factory Season 3 (இந்தி) - Netflix
ராகவ் சுப்பு, பிரதீஷ் மேத்தா ஆகியோரது இயக்கத்தில் மயூர் மோர், ஜிதேந்திர குமார், ரஞ்சன் ராஜ் உள்ளிட்டோர் நடிப்பில் வெளியான 'Kota Factory' வெப்சீரிஸின் மூன்றாவது சீசன் இது. கோச்சிங் செண்டர்களில் படிக்கும் மாணவர்களை மையப்படுத்திய இந்த வெப்சீரிஸ் 'Netflix' ஓடிடி தளத்தில் வெளியாகியுள்ளது.
Bad Cop (இந்தி) - Disney + Hotstar
ஆதித்யா தத் இயக்கத்தில் அனுராக் காஷ்யப், குல்ஷன் தேவையா, ஹர்லீன் சேத்தி உள்ளிட்டோர் நடிப்பில் உருவாகியுள்ள வெப்சீரிஸ் 'Bad Cop'. போலிஸ் க்ரைம் திரில்லர் வெப்சீரிஸான இது 'Disney + Hotstar' ஓடிடி தளத்தில் வெளியாகியுள்ளது.
House of the Dragon Season 2 (ஆங்கிலம்) - Jio Cinema
கிளேர் கில்னர், கீதா வசந்த் பேட், மிகுவல் சபோச்னிக், கிரெக் யெய்டனெஸ், ஆலன் டெய்லர், ஆன்ட்ரிஜ் பரேக், லோனி பெரிஸ்டெர் ஆகியோரது இயக்கத்தில் மாட் ஸ்மித், எம்மா டி'ஆர்சி, ஒலிவியா குக், ரைஸ் இஃபான்ஸ் உள்ளிட்ட பலரின் நடிப்பில் உருவாகியுள்ள 'House of the Dragon' வெப்சீரிஸின் இரண்டாவது சீசன் இது. ஆக்ஷன், அட்வென்சர், பேண்டஸி என அரியணையைப் பிடிக்க நடக்கும் போர் திரில்லர் படைப்பான இது 'Jio Cinema' ஓடிடி தளத்தில் வெளியாகியுள்ளது.
தியேட்டர் டு ஓடிடி
அரண்மனை 4 (தமிழ்) - Disney + Hotstar
சுந்தர்.சி இயக்கி நடித்திருக்கும் திரைப்படம் ‘அரண்மனை 4’. காதல் திருமணம் செய்துகொண்டு, தன்னை விட்டுப் பிரிந்து போன தங்கை செல்வியும் (தமன்னா) அவரது கணவரும் (சந்தோஷ் பிரதாப்) இறந்துவிட்டதாகச் செய்தி வரவே, அவர்கள் வாழ்ந்த பழைய அரண்மனைக்குச் செல்கிறார் சுந்தர்.சி. அவர்கள் மரணத்தில் இருக்கும் சந்தேகங்களையும், அமானுஷ்யங்களையும் கண்டுபடித்து தொடர் கொலைகளுக்குக் காரணமானவர்களைக் கண்டுபிடித்தாரா என்பதுதான் இதன் கதைக்களம். இத்திரைப்படம் 'Disney + Hotstar' ஓடிடி தளத்தில் வெளியாகியுள்ளது.
ரசவாதி (தமிழ்) - Amazon Prime Video
‘மெளனகுரு’, ‘மகாமுனி’ படங்களின் இயக்குநர் சாந்தகுமார் இயக்கத்தில் அர்ஜுன் தாஸ், தான்யா ரவிச்சந்திரன், சுஜித் ஷங்கெர், ஜி.எம்.சுந்தர் உள்ளிட்டோர் நடிப்பில் உருவாகியுள்ள திரைப்படம் ‘ரசவாதி’. அமைதியான வாழ்க்கையை வாழ விரும்பும் அர்ஜுன் தாஸுக்கு வரும் பிரச்னைகள், அவர் கடந்த கால வாழ்கையின் பகைகளால் வரும் சிக்கல்கள் என திரில்லர் கதையாக உருவாகியிருக்கும் இத்திரைப்படம் 'Amazon Prime Video' ஓடிடி தளத்தில் வெளியாகியுள்ளது.
அழகிய கண்ணே (தமிழ்) - Amazon Prime Video
.jpg)
ஆர். விஜயகுமார் இயக்கத்தில் லியோ சிவகுமார், சஞ்சிதா ஷெட்டி, சுஜாதா, பிரபு சாலமன் உள்ளிட்டோர் நடிப்பில் உருவாகியுள்ள திரைப்படம் 'அழகிய கண்ணே'. விஜய் சேதுபதி சிறப்புத் தோற்றத்தில் நடித்துள்ளார். கிராமத்து இளைஞன் இயக்குநராகும் தன் கனவை விடாமல் துரத்துவது, அதையொட்டி நடக்கும் பிரச்னைகள்தான் இதன் கதைக்களம். இத்திரைப்படம் 'Amazon Prime Video' ஓடிடி தளத்தில் வெளியாகியுள்ளது.
சிங்கப்பெண்ணே (தமிழ்) - Amazon Prime Video
.jpeg)
ஜெ.எஸ்.பி. சதீஷ் குமார் இயக்கத்தில் மாதவி லதா, சமுத்திரக்கனி, சென்ராயன் மற்றும் ஷில்பா மஞ்சுநாத் உள்ளிட்டோர் நடிப்பில் உருவாகியுள்ள திரைப்படம் 'சிங்கப்பெண்ணே'. எளியப் பின்னணியில் இருந்து வரும் ஒரு பெண், சமூகத்தில் இருக்கும் தடைகளை மீறி நீச்சல் வீராங்கனையாக சாதிப்பதுதான் இதன் கதைக்களம். இத்திரைப்படம் 'Amazon Prime Video' ஓடிடி தளத்தில் வெளியாகியுள்ளது.
Nadikar (மலையாளம்) - Netflix
லால் இயக்கத்தில் டொவினோ தாமஸ், ஷோபின் ஷாஹிர், பாவனா உள்ளிட்டோர் நடிப்பில் உருவாகியுள்ள திரைப்படம் ‘Nadikar’. திடீரென சூப்பர் ஸ்டாராகிவிடும் நடிகரின் காமெடி நிறைந்த கதை இது. இத்திரைப்படம் 'Netflix' ஓடிடி தளத்தில் வெளியாகியுள்ளது.
Gam Gam Ganesha (தெலுங்கு) - Amazon Prime Video
உதய் ஷெட்டி இயக்கத்தில் விஜய் தேவரகொண்டாவின் சகோதரர் ஆனந்த் தேவரகொண்டா, நயன் சரிகா, பிரகதி, ராஜ் அர்ஜூன் உள்ளிட்டோர் நடிப்பில் உருவாகியுள்ள திரைப்படம் 'Gam Gam Ganesha'. காமெடி, க்ரைம் திரில்லர் திரைப்படமான இது 'Amazon Prime Video' ஓடிடி தளத்தில் வெளியாகியுள்ளது.
RadhaaMadhavam (தெலுங்கு) - Amazon Prime Video
தாசரி எசக்கு இயக்கத்தில் விநாயக் தேசாய், அபர்ணா தேவி, மேகா ராம கிருஷ்ணன் உள்ளிட்டோர் நடிப்பில் உருவாகியுள்ள திரைப்படம் 'RadhaaMadhavam'. ரோமாண்டிக், ஆக்ஷன் திரில்லர் திரைப்படமான இது 'Amazon Prime Video' ஓடிடி தளத்தில் வெளியாகியுள்ளது.
The Holdovers (ஆங்கிலம்) - Jio Cinema
.jpg)
அலெக்சாண்டர் பெய்ன் இயக்கத்தில் பால் கியாமட்டி, டாவின் ஜாய் ராண்டால்ப், டொமினிக் செஸ்ஸா உள்ளிட்டோர் நடிப்பில் உருவான திரைப்படம் 'The Holdovers'. ஆசிரியர் மற்றும் மாணவர்களிடையே நடக்கும் காமெடி மற்றும் உணர்வுபூர்வமான திரைப்படமான இது 'Jio Cinema' ஓடிடி தளத்தில் வெளியாகியுள்ளது.
from விகடன்
Comments