Serial Updates: வெள்ளித்திரையில் `சிறகடிக்க ஆசை' தொடர் நடிகை; 1000 எபிசோட்களைக் கடந்த சுந்தரி தொடர்!

விஜய் டிவியில் ஒளிபரப்பாகிக் கொண்டிருக்கும் தொடர் `சிறகடிக்க ஆசை'. இந்தத் தொடரில் கதாநாயகியின் தங்கை சீதா கதாபாத்திரத்தில் நடித்துக் கொண்டிருந்தவர் சங்கீதா. சின்னத்திரையில் மட்டும் நடித்துக் கொண்டிருந்த இவர் தற்போது வெள்ளித்திரையில் தடம் பதித்திருக்கிறார்.

சங்கீதா

புதிய திரைப்படத்தில் முக்கிய கதாபாத்திரத்தில் சங்கீதா கமிட் ஆகி இருக்கிறார். விரைவில் அவர் நடிக்கும் திரைப்படம் குறித்த அறிவிப்பும் விரைவிலேயே வெளியாகும் என எதிர்பார்க்கப்படுகிறது. வாழ்த்துகள் சங்கீதா!

சன் டிவியில் ஒளிபரப்பாகிக் கொண்டிருக்கும் தொடர் `சுந்தரி'. இந்தத் தொடரின் இரண்டாவது சீசன் தற்போது ஒளிபரப்பாகிக் கொண்டிருக்கிறது. கேப்ரியல்லா கதாநாயகியாக நடிக்கும் இந்தத் தொடர் தற்போது 1000 எபிசோடுகளை கடந்திருக்கிறது.

சுந்தரி

சுந்தரி தொடர் 1000 எபிசோடுகளை ரீச் செய்ததற்கு சுந்தரி தொடரின் ஒட்டுமொத்த குழுவும் அதனை செலிபரேட் செய்து கொண்டிருக்கிறார்கள். முதல் சீசனின் வெற்றியைத் தொடர்ந்து இரண்டாவது சீசன் உடனடியாக ஆரம்பிக்கப்பட்டது. சுந்தரி தொடர் தனக்கென ஓர் ஆடியன்ஸ் பட்டாளத்தைக் தக்க வைத்திருக்கிறது.

சன் டிவியில் ஒளிபரப்பாகிக் கொண்டிருக்கும் தொடர் `சிங்கப்பெண்ணே'. இந்தத் தொடரில் ரெஜினா கதாபாத்திரத்தில் நடித்துக் கொண்டிருந்தவர் நடிகை ஜீவிதா. இவர் ஜீ தமிழில் ஒளிபரப்பாகிக் கொண்டிருக்கும் `இந்திரா' தொடரிலும் நடித்துக் கொண்டிருந்தார். தற்போது அந்த இரண்டு தொடர்களிலிருந்தும் ஜீவிதா விலகியிருக்கிறார். சிங்கப்பெண்ணே தொடரில் அவருக்கு பதிலாக விஜே கல்யாணி அந்தக் கதாபாத்திரத்தில் நடிக்கிறார்.

ஜீவிதா

சன் டிவியில் புதியதாக வரவிருக்கும் தொடர் ஒன்றில் ஜீவிதா கதாநாயகியாக கமிட் ஆகி இருக்கிறார். அந்தக் காரணத்தினாலே இரண்டு தொடர்களிலிருந்தும் அவர் தற்போது விலகியிருக்கிறார். விரைவிலேயே அந்தத் தொடர் குறித்த அதிகாரப்பூர்வமான தகவல்கள் வெளியாகும் என எதிர்பார்க்கப்படுகிறது. 

from விகடன்