`குக்கு வித் கோமாளி' நிகழ்ச்சிக்கென தனியொரு ரசிகர் பட்டாளமே இருக்கின்றது. நான்கு சீசன் முடிவடைந்து தற்போது அந்த நிகழ்ச்சியின் ஐந்தாவது சீசன் வரவிருக்கிறது.
இந்த நிகழ்ச்சியின் பலமே கோமாளிகளும், நடுவர்களும்தான்! அந்த நிகழ்ச்சியின் நடுவர்களாக செஃப் தாமுவும், செஃப் வெங்கடேஷ் பட்டும் இருந்தார்கள். ஸ்ட்ரிக்ட் ஆன நடுவர்களாக நாம் பார்த்துப் பழகியவர்கள் இந்த நிகழ்ச்சியில் போட்டியாளர்களுடனும், கோமாளிகளுடனும் சரிசமமாக நகைச்சுவையை அள்ளித் தெளித்து அவர்களுடைய இன்னொரு பரிமாணத்தைக் காட்டினார்கள். அந்த நிகழ்ச்சி அவர்களை அவர்களாக இருக்க வைத்தது என்றே சொல்லலாம். தற்போது அந்த நிகழ்ச்சியிலிருந்து இரண்டு நடுவர்களும் விலகி இருக்கிறார்கள்.
சன் டிவியில் புதிதாக வரவிருக்கிற ரியாலிட்டி ஷோ ஒன்றில் இவர்கள் இருவரும் நடுவர்களாக வர இருக்கிறார்கள் என ஒருபுறம் சமூகவலைதள பக்கங்களில் தகவல்கள் பரவி வருகின்றன. எந்த நிகழ்ச்சியின் வழியாக இருவரும் நம்மை என்டர்டெயின் செய்யப் போகிறார்கள் என்பதை இருவரும் விரைவில் அதிகாரப்பூர்வமாக அறிவிப்பார்கள் என எதிர்பார்க்கப்படுகிறது.
விஜய் டிவியில் ஒளிபரப்பாகும் தொடர் `கிழக்கு வாசல்'. இந்தத் தொடரில் கதாநாயகியாக நடிகை ரேஷ்மா நடிக்கிறார். `பூவே பூச்சூடவா' தொடர் ரேஷ்மாவிற்கென தனியொரு அடையாளத்தைக் கொடுத்தது. ரேஷ்மா டான்ஸரும் கூட!
இந்நிலையில் 'ஜோடி ஆர் யூ ரெடி' நடனப் போட்டியில் போட்டியாளராக ரேஷ்மாவும் கலந்து கொண்டார். சுபம் என்பவர் ரேஷ்மாவிற்கு ஜோடியாக தேர்வானார். இந்நிலையில் கடந்த வாரம் இந்த ஜோடி எவிக்ட் ஆகியுள்ளது தற்போது சமூகவலைதள பக்கங்களில் பேசு பொருளாகி இருக்கிறது. ஏனெனில், இந்த எலிமினேஷன் சக போட்டியாளர்களால் தேர்ந்தெடுக்கப்பட்டது. இந்த ஜோடியை விட பலர் பின்தங்கி இருந்தாலும் அவர்கள் நண்பர்கள் என்பதால் ஒருதலைபட்சமாக இந்த முடிவு எடுக்கப்பட்டிருக்கிறது என இவர்களின் ரசிகர்கள் பலர் குறிப்பிட்டு `unfair eviction' என்கிற கேப்ஷனுடன் பகிர்ந்து வருகிறார்கள்.
from விகடன்
Comments