ஓடவும் முடியாது ஒழியவும் முடியாது (தமிழ்)
ரமேஷ் வெங்கட் இயக்கத்தில் ராமதாஸ், யாஷிகா ஆனந்த், ஹரிஜா, ரித்விகா உள்ளிட்டோர் நடிப்பில் உருவாகியுள்ள திரைப்படம் 'ஓடவும் முடியாது ஒழியவும் முடியாது'. காமெடி, ஹாரர் திரில்லர் படமான இது டிசம்பர் 29ம் தேதி திரையரங்குகளில் வெளியாகியுள்ளது.
மதிமாறன் (தமிழ்)
மந்திர வீரபாண்டியன் இயக்கத்தில் ஆராத்யா, எம்.எஸ். பாஸ்கர், பவா செல்லதுரை உள்ளிட்டோர் நடிப்பில் உருவாகியுள்ள திரைப்படம் 'மதிமாறன்'. உயரம் குறைவாக இருக்கும் கதாநாயகன் தன் வாழ்வில் என்னென்ன பிரச்னைகளையும், சமூக அழுத்தங்களையும் எதிர்கொள்கிறார் என்பதே இதன் கதைக்களம். இத்திரைப்படம் டிசம்பர் 29ம் தேதி திரையரங்குகளில் வெளியாகியுள்ளது.
நந்திவர்மன் (தமிழ்)
பெருமாள் வரதன் இயக்கத்தில் சுரேஷ் ரவி, ஆஷா கவுடா, நிழல்கள் ரவி உள்ளிட்டோர் நடிப்பில் உருவாகியுள்ள திரைப்படம் 'நந்திவர்மன்'. பல்லவர்கள் குறித்தும் பேசும் போலீஸ், க்ரைம் திரில்லர் திரைப்படமான இது, டிசம்பர் 29ம் தேதி வெளியாகியுள்ளது.
ரூட் நம்பர் 17 (தமிழ்)
அபிலாஷ் ஜி. தேவன் இயக்கத்தில் ஜித்தன் ரமேஷ், அஞ்சு பாண்டியா, அகில் பிரபாகர், மதன் குமார் தட்சிணாமூர்த்தி உள்ளிட்டோர் நடிப்பில் உருவாகியுள்ள திரைப்படம் 'ரூட் நம்பர் 17'. ஹாரர், திரில்லர் திரைப்படமான இது டிசம்பர் 29ம் தேதி திரையரங்குகளில் வெளியாகியுள்ளது.
ஜாலியாக ட்ரிப் செல்லும் காதல் ஜோடிகள் ஹாரர் நிறைந்த சாலை ஒன்றில் செல்லும்போது சில அமானுஷ்ய விஷயங்களில் மாட்டிக்கொள்கிறார்கள். அதே சாலையில் தொடர்ந்து இதுபோன்ற அனானுஷ்யங்கள் நிகழ்வது வழக்கமாக இருக்கிறது. இதற்கு பின்னால் இருப்பது பேயா இல்லா சீரியல் கில்லரா என்பதுதான் இதன் கதைக்களம்.
சரக்கு (தமிழ்)
ஜெயக்குமார் இயக்கத்தில் மன்சூர் அலிகான், வலீனா, யோகி பாபு, கே.பாக்யராஜ், கே.எஸ்.ரவிக்குமார், மொட்டை ராஜேந்திரன், கிங்ஸ்லி உள்ளிட்டோர் நடிப்பில் உருவாகியுள்ள திரைப்படம் 'சரக்கு'. மதுவால் ஏற்படும் பிரச்னைகள் குறித்துப் பேசும் அரசியல் நையாண்டி திரைப்படமான இது டிசம்பர் 29ம் தேதி திரையரங்குகளில் வெளியாகியுள்ளது.
வட்டார வழக்கு (தமிழ்)
கண்ணுச்சாமி ராமச்சந்திரன் இயக்கத்தில் சந்தோஷ் ஸ்ரீராம், ரவீனா ரவி, வெங்கடேசன், விசித்திரன் உள்ளிட்டோர் நடிப்பில் உருவாகியுள்ள திரைப்படம் 'வட்டார வழக்கு'. இப்படம் கிராமங்களில் இருக்கும் காதல், பகை, மற்றும் பங்காளிகளுக்குள் நடக்கும் பிரச்னைகளை மையமாகக் கொண்டது. இத்திரப்படம் டிசம்பர் 29ம் தேதி திரையரங்குகளில் வெளியாகியுள்ளது.
Devil: The British Secret Agent (தெலுங்கு)
சில மர்மங்களைக் கண்டுபிடிக்க இந்தியா வருகிறார் ஒரு பிரிட்டிஷ் ரகசிய ஏஜெண்ட். அவர் இங்கு வந்து எப்படிக் காதலில் விழுகிறார், தன் பணிகளில் எப்படித் தூதரகத்தால் வீழ்த்தப்படுகிறார் என அவரைச் சுற்றி நடக்கும் பீரியட் கதைதான் இது. அபிஷேக் நாமா இயக்கத்தில் நந்தமுரி கல்யாண் ராம், எல்னாஸ் நோரூசி, சம்யுக்தா உள்ளிட்டோர் நடிப்பில் உருவாகியுள்ள தெலுங்குத் திரைப்படமான இது ,டிசம்பர் 29ம் தேதி திரையரங்குகளில் வெளியாகியுள்ளது.
Bubblegum (தெலுங்கு)
ரவிகாந்த் பெரேபு இயக்கத்தில் ரோஷன் கனகலா, மானசா சௌத்ரி, ஹர்ஷா செமுடு உள்ளிட்டோர் நடிப்பில் உருவாகியுள்ள திரைப்படம் 'Bubblegum'. காதலில் நடக்கும் உறவுச் சிக்கல்கள், பிரச்னைகள் ஆகிவற்றை மையாகமாகக் கொண்ட ரொமான்டிக் காதல் கதையான இது, டிசம்பர் 29ம் தேதி திரையரங்குகளில் வெளியாகியுள்ளது.
Queen Elizabeth (மலையாளம்)
எம்.பத்மகுமார் இயக்கத்தில் நரேன், மீரா ஜாஸ்மின், ஸ்வேதா உள்ளிட்டோர் நடிப்பில் உருவாகியுள்ளது இத்திரைப்படம். மீரா ஜாஸ்மினின் காதல், குடும்பம் என மனதிற்கு இலகுவான மலையாளத் திரைப்படமான இது, டிசம்பர் 29ம் தேதி திரையரங்குகளில் வெளியாகியுள்ளது.
Migration (ஆங்கிலம்)
பெஞ்சமின் ரென்னர் இயக்கத்தில் உருவாகியுள்ள அனிமேஷன் திரைப்படம் இது. மூன்று வாத்துகள் கண்டிப்பான தங்களின் தந்தை வாத்தை சம்மதிக்கவைத்து இடம்பெற முடிவு செய்கின்றன. அந்த வழியில் அவர்கள் சந்திக்கும் சாகசங்களே இதன் கதைக்களம். இத்திரைப்படம் டிசம்பர் 29ம் தேதி திரையரங்குகளில் வெளியாகியுள்ளது.
ஓ.டி.டி ரிலீஸ்கள்
Kho Gaye Hum Kahan (இந்தி)
அர்ஜுன் வரேன் சிங் இயக்கத்தில் அனன்யா பாண்டே, சித்தாந்த் சதுர்வேதி, ஆதர்ஷ் கவுரவ் உள்ளிட்டோர் நடிப்பில் உருவாகியுள்ள திரைப்படம் 'Kho Gaye Hum Kahan'. மூன்று நண்பர்களின் ஜாலியான இளமைக்காலத்தைப் பற்றியதுதான் இதன் கதைக்களம். இத்திரைப்படம் 'Netflix' தளத்தில் டிசம்பர் 26ம் தேதி வெளியாகியுள்ளது.
Little Dixie (ஆங்கிலம்)
ஜான் ஸ்வாப் இயக்கத்தில் ஃபிராங்க் கிரில்லோ, எரிக் டேன், பியூ நாப் உள்ளிட்டோர் நடிப்பில் உருவாகியுள்ள திரைப்படம் 'Little Dixie'. ஆக்ஷன், திரில்லர் திரைப்படமான இது டிசம்பர் 29ம் தேதி 'Netflix' தளத்தில் வெளியாகியுள்ளது.
வெப்சீரிஸ்
War: Wrath and Revenge (ஆங்கிலம்)
டிம்போ அடியா இயக்கத்தில் ரஹாமா சடாவ், பேட்ரிக் டாயல், அயோலா அயோலோலா, யாகுபு முகமது, உசி உஸ்மான் உள்ளிட்டோர் நடிப்பில் உருவாகியுள்ள வெப்சீரிஸ் 'War: Wrath and Revenge'. நைஜீரியாவின் பிரபலமான தொடரான 'Sons of the Caliphate' என்ற தொடரின் ஸ்பின்-ஆஃப்பான இது, 'Netflix' ஓடிடி தளத்தில் வெளியாகியுள்ளது.
Berlin (ஸ்பேனிஷ்)
எஸ்தர் மார்டினெஸ் லோபாடோ, அலெக்ஸ் பினா ஆகியோர் இயக்கத்தில் பெகோனா வர்காஸ், நஜ்வா நிம்ரி, பெட்ரோ அலோன்சோ உள்ளிட்டோர் நடிப்பில் உருவாகியுள்ள வெப்சீரிஸ் 'Berlin'. 'Money Heist' வெப்சீரிஸ் மூலம் பிரபலமான பெர்லின் கதாபாத்திரத்தை வைத்து எடுக்கப்பட்ட ஸ்பின்-ஆஃப் தொடர் இது. கொள்ளை அடித்தல், ஆக்ஷன், திரில்லர் வெப்சீரிஸான இது, டிசம்பர் 29ம் தேதி 'Netflix' தளத்தில் வெளியாகியுள்ளது.
தியேட்டர் டு ஓடிடி
பார்க்கிங் (தமிழ்) - Disney+ Hotstar
அறிமுக இயக்குநர் ராம்குமார் பாலகிருஷ்ணன் இயக்கத்தில் ஹரிஷ் கல்யாண், இந்துஜா, எம்.எஸ்.பாஸ்கர் உள்ளிட்டோர் நடிப்பில் உருவாகியுள்ள திரைப்படம் 'பார்க்கிங்'. இரண்டு வீடு ஒரு பார்க்கிங், இரண்டு வீட்டிலும் கார் இருக்கிறது எனும்போது நடக்கும் பிரச்னைகள்தான் இதன் கதைக்களம். இத்திரைப்படம் 'Disney + Hotstar' ஓடிடி தளத்தில் வெளியாகியுள்ளது.
அன்னபூரணி (தமிழ்) - Netflix
நயன்தாவின் 75வது படம் 'அன்னபூரணி'. இப்படத்தை இயக்குநர் ஷங்கரின் துணை இயக்குநரான நிலேஷ் கிருஷ்ணா இயக்கியிருக்கிறார். அக்ரஹாரத்து பெண், அசைவம் சமைக்கும் சமையல் சூப்பர் ஸ்டார் ஆவதுதான் இதன் கதைக்களம். இத்திரைப்படம் 'Netflix' ஓடிடி தளத்தில் வெளியாகியுள்ளது.
லைசென்ஸ் (தமிழ்) - Aha
கணபதி பாலமுருகன் இயக்கத்தில் ராஜலெட்சுமி, தன்யா அனன்யா, விஜய் பரத், என்.ஜீவானந்தம், ராதா ரவி உள்ளிட்டோர் நடிப்பில் திரையரங்குகளில் வெளியான இத்திரைப்படம் தற்போது 'Aha' ஓடிடி தளத்தில் வெளியாகியுள்ளது.
Swathi Mutthina Male Haniye (கன்னடம்) - Amazon Prime Video
ராஜ்.பி.ஷெட்டி இயக்கத்தில் சந்தியா அரகெரே, கோபாலகிருஷ்ண தேஷ்பாண்டே, ரேகா குட்லிகி உள்ளிட்டோர் நடிப்பில் கர்நாடகாவில் மட்டும் திரையரங்குகளில் வெளியாகியிருந்த இத்திரைப்படம் தற்போது 'Amazon Prime Video' ஓடிடி தளத்தில் வெளியாகியுள்ளது.
Mangalavaaram (தெலுங்கு) - Disney+ Hotstar
அஜய் பூபதி இயக்கத்தில் பாயல் ராஜ்புத், நந்திதா ஸ்வேதா, திவ்யா உள்ளிட்டோர் நடிப்பில் திரையரங்குகளில் வெளியான இத்திரைப்படம் 'Disney+ Hotstar' ஓடிடி தளத்தில் வெளியாகியுள்ளது.
Keedaa Cola (தெலுங்கு) - Aha
தருண் பாஸ்கர் தாஸ்யம் இயக்கத்தில் தருண் பாஸ்கர் தாஸ்யம், ரகுராம், பிரம்மானந்தம் உள்ளிட்டோர் நடிப்பில் உருவாகியுள்ள திரைப்படம் 'Keedaa Cola'. வாழ்க்கையில் செட்டிலாக வேண்டும் ஆசையுடன் ஹீரோவும், அவரது நண்பர்களும் சுற்றித் திரிகிறார்கள். அவர்களுக்குக் கிடைக்கும் ஒரு வாய்ப்பைப் பயன்படுத்தி அவர்கள் என்ன செய்தார்கள், அதனால், அவர்கள் என்னென்ன பிரச்னைகளையும் எதிர்கொண்டார்கள் என்பதுதான் இதன் கதைக்களம்.
இத்திரைப்படம் தற்போது 'Aha' ஓடிடி தளத்தில் வெளியாகியுள்ளது.
12th Fail (இந்தி) - Disney+ Hotstar
விது வினோத் சோப்ரா இயக்கத்தில் விக்ராந்த் மாஸ்ஸி, ஜோஷி ஆனந்த் விஜய், சஞ்சய் பிஷ்னோய் உள்ளிட்டோர் நடிப்பில் உருவாகியுள்ள திரைப்படம் '12th Fail'. ஏழ்மையிலும், வறுமையிலும் பெரும் கனவோடு பல தடைகளைத் தாண்டி படித்து ஐ.பி.எஸ் அதிகாரியான மனோஜ் குமார் சர்மா மற்றும் ஐ.ஆர்.எஸ் அதிகாரியான ஷ்ரத்தா ஜோஷியின் நிஜ வாழ்க்கை கதையை மையமாகக் கொண்டது இப்படம். இத்திரைப்படம் 'Disney+ Hotstar' ஓடிடி தளத்தில் வெளியாகியுள்ளது.
Three Of Us (இந்தி) - Netflix
அவினாஷ் அருண் இயக்கத்தில் ஷெபாலி ஷா, ஜெய்தீப் அஹ்லாவத், ஸ்வானந்த் கிர்கிரே உள்ளிட்டோர் நடிப்பில் உருவாகியுள்ள திரைப்படம் 'Three of Us'. நீதிமன்றத்தில் கிளர்க்காகப் பணிபுரியும் ஷைலஜா என்பவர் தனது சொந்த ஊரையும், வீட்டையும் தேடிச் சென்று, பழைய நினைவுகளை அசைபோடுவதுதான் இதன் கதைக்களம். பல விருதுகளையும், பாராட்டுகளையும் பெற்ற இத்திரைப்படம் 'Netflix' ஓடிடி தளத்தில் வெளியாகியுள்ளது.
Shastry Virudh Shastry (இந்தி) - Netflix
ஷிபோப்ரோசாத் முகர்ஜி, நந்திதா ராய் ஆகியோர் இயக்கத்தில் பரேஷ் ராவல், அம்ருதா சுபாஷ், மிமி சக்ரவர்த்தி உள்ளிட்டோர் நடிப்பில் திரையரங்குகளில் வெளியான இத்திரைப்படம் தற்போது 'Netflix' ஓடிடி தளத்தில் வெளியாகியுள்ளது.
Consecration (ஆங்கிலம்) - Amazon Prime Video
கிறிஸ்டோபர் ஸ்மித் இயக்கத்தில் ஜெனா மலோன், டேனி ஹஸ்டன், தோரன் பெர்குசன் உள்ளிட்டோர் நடிப்பில் உருவாகியுள்ள திரைப்படம் 'Consecration'. தனது சகோதரரின் மர்மமான மரணத்தின் பின்னணியைக் கண்டறியச் செல்லும் கன்னியாஸ்திரி, திகைப்பூட்டும் தனது கடந்த காலத்தையும், கொடூரமான சம்பவங்களையும் தெரிந்துகொள்வத்தான் இதன் கதைக்களம். ஹாரர் திரில்லர் திரைப்படமான இது 'Amazon Prime Video' தளத்தில் வெளியாகியுள்ளது.
இதில் புது வருடக் கொண்டாட்டத்துக்கான உங்களின் சாய்ஸ் என்ன என்பதை கமென்டில் பதிவிடவும்!
from விகடன்
Comments