Bigg Boss 7 Exclusive: ஹவுஸ்புல் ஆனதால் டபுள் எவிக்ஷன்; வெளியேறிய இரண்டு போட்டியாளர்கள் யார், யார்?
விஜய் டிவியில் அக்டோபர் 2-ம் தேதியிலிருந்து ஒளிபரப்பாகி வருகிறது பிக் பாஸ் தமிழ் சீசன் 7. நடிகை விசித்ரா, பாடகர் யுகேந்திரன், வனிதா விஜயகுமாரின் மகள் ஜோவிதா உள்ளிட்ட 18 போட்டியாளர்களுடன் தொடங்கிய நிகழ்ச்சியில் முதல் வாரம் அனன்யா வெளியேறினார்.
அனன்யா வெளியேறிய மறுநாளே எழுத்தாளர் பவா செல்லத்துரை தானாக விரும்பி வெளியேறினார். பவாவின் எதிர்பாராத வெளியேற்றத்தால் இரண்டாவது வாரம் எவிக்ஷன் இல்லை என அறிவித்தார்கள். தொடர்ந்து மூன்றாவது வாரம் விஜய் வர்மா வெளியேற்றப்பட்டார்.
பதினெட்டு பேரில் மூன்று பேர் வெளியேற, தொடர்ந்து 15 போட்டியாளர்கள் பிக் பாஸ் வீட்டிலிருந்த சூழலில் வைல்டு கார்டு மூலம் மேலும் 5 போட்டியாளர்கள் நிகழ்ச்சிக்குள் செல்லவிருப்பதாக புரோமோ வெளியானது.
அந்த வீட்டில் இருக்கும் சில போட்டியாளர்கள் சேனல் எதிர்பார்த்த அளவுக்கு கன்டென்ட் தராமல் ஏனோ தானோவென இருப்பதால்தான் பிக் பாஸ் வரலாற்றில் முதல் முறையாக அதிக எண்ணிக்கையில் வைல்டு கார்டு மூலம் போட்டியாளர்களை இறக்க இருப்பதாகச் சொல்லப்படுகிறது.
அந்தப் போட்டியாளர்கள் யார் எல்லாம் என்பதைக் கீழ்க்காணும் இணைப்புகளில் தெரிந்துகொள்ளலாம்.
வைல்டு கார்டு போட்டியாளர்கள் இன்று (28/10/23) பிக் பாஸ் வீட்டுக்குள் செல்லவிருக்கிற அதேநேரம் நான்காவது வார எவிக்ஷனுக்கான வார இறுதி ஷூட்டிங்கும் இன்று பிக் பாஸ் வீட்டில் தொடங்கி நடந்து வருகிறது.
இந்த வாரம் வெளியேற்றத்துக்கான நாமினேஷன் பட்டியலிலிருந்தவர்களில் மக்களின் ஓட்டுகள் அடிப்படையில் மிகவும் குறைவான ஓட்டுகளைப் பெற்ற வினுஷா தேவியும் பாடகர் யுகேந்திரனும் நிகழ்ச்சியிலிருந்து வெளியேறியிருப்பதாக நம்பகமான சோர்ஸ்கள் தெரிவிக்கின்றன.
யுகேந்திரன் முதல் வாரமே வெளியேற வேண்டிய ஆள் என்றும் அப்போது கடைசி நேரத்தில் ஏதோ நடந்து காப்பாற்றப்பட்டார் என்றும் பேசப்பட்டது. வினுஷா தேவியைப் பொறுத்தவரை ஏனோ தெரியவில்லை, இந்த சீசனில் ரொம்பவே மந்தமாக விளையாடியவர் எனப் பெயரெடுத்து விட்டார். எனவே நான்கு வாரங்கள் தாக்குப்பிடித்ததே மேல் என்கிறார்கள்.
பழைய போட்டியாளர்களில் இருவர் வெளியேற பதிமூன்று பேர் மிச்சமிருந்த சூழலில் வைல்டு கார்டு மூலம் 5 பேர் சென்றிருப்பதால் இப்போது மீண்டும் 18 போட்டியாளர்கள் என்ற அளவிலேயே இருக்கிறார்கள்.
பிக் பாஸ் வீட்டின் சீனியர்கள் என்ற முறையில், பழைய போட்டியாளர்கள் வைல்டு கார்டு போட்டியாளர்களை ராக்கிங் செய்யப் போகிறார்களா அல்லது பழைய போட்டியாளர்கள் அந்த வீட்டில் இயங்குவதை ஒரு மாத காலம் வெளியிலிருந்து பார்த்து விட்டுச் செல்கிற வைல்டு கார்டு போட்டியாளர்கள் அவர்களை மிரட்டப் போகிறார்களா என்பதைக் காத்திருந்துதான் பார்க்க வேண்டும்.
from விகடன்
Comments