Lets Get Married (தமிழ்)
M.S. தோனி மற்றும் அவரது மனைவி சாக்ஷி தோனியின் 'தோனி என்டர்டைன்மென்ட்' நிறுவனத்தின் தயாரிப்பில் ஹரிஷ் கல்யாண், இவானா, நதியா, RJ விஜய் உள்ளிட்டோர் நடித்துள்ள திரைப்படம் 'LGM'. ரமேஷ் தமிழ்மணி இயக்கியுள்ள இத்திரைப்படம் ஜூலை 28ம் தேதி திரையரங்குகளில் வெளியாகியுள்ளது.
ஹரிஷ் கல்யாண், தன் அம்மா நதியாவுடன் அன்பாக அம்மா பிள்ளையாக இருக்கிறார். மகனின் காதல் பற்றித் தெரிந்துகொள்ளும் நதியா, தன் மகனின் காதலைப் புரிந்து கொண்டு திருமணத்திற்குச் சம்மதம் தெரிவிக்கிறார். ஆனால், ஹரிஷ் கல்யாணின் காதலி இவானாக்கும், ஹரிஷ் கல்யாணின் அம்மாவிற்குமிடையே சிறு சிறு முரண்பாடுகள் ஏற்படுகிறது.
ஒரு கட்டத்தில் இவானா, ஹரிஷ் கல்யாணுடன் தனியாக வாழவேண்டும் என்று அடம் பிடிக்கிறார். ஹரிஷ் கல்யாணுக்கு அம்மாவைப் பிரிந்து வாழ்வதில் உடன்பாடில்லை. இதற்குத் தீர்வு காணும் வகையில் இவானாவின் யோசனைப்படி மூவரும் ஒரு சுற்றுப்பயணம் செல்கின்றனர். இந்தப் பயணத்தில் இவானாவும், ஹரிஷ் கல்யாணின் அம்மா நதியாவும் ஒருவரையொருவர் புரிந்துகொண்டார்களா? என்பதுதான் இதன் கதைக்களம்.
DD Returns (தமிழ்)
சந்தானம், சுரபி, மொட்ட ராஜேந்திரன், முனிஷ்காந்த், ரெடின் கிங்ஸ்லி, மாறன், பிரதீப் ராவத் உள்ளிட்டோர் நடிப்பில் எஸ். பிரேம் ஆனந்த் இயக்கத்தில் உருவாகியுள்ள திரைப்படம் 'DD Returns'. முழுக்க முழுக்க நகைச்சுவை ஜானரில் உருவாகியுள்ள ஹாரர் திரைப்படமான இது ஜூலை 28ம் தேதி திரையரங்குகளில் வெளியாகிறது.
பேய் பங்களா ஒன்றில் மாட்டிக்கொள்ளும் சந்தானம், அவரது காதலி மற்றும் நண்பர்கள் அங்கிருந்து தப்பிவிட முயற்சிக்கிறார்கள். ஆனால், அங்கிருந்து தப்ப வேண்டுமென்றால் ‘பேயுடன் கேம் விளையாட வேண்டும்' என்பது அங்கிருக்கும் பேய்களின் நிபந்தனையாகயிருக்கிறது. சந்தானம், அப்பேய்களுடன் கேம் விளையாடி அங்கிருந்து தன் காதலியுடன் தப்பினாரா? என்பதுதான் இதன் கதைக்களம்.
Pizza 3 (தமிழ்)
பீட்சா-1, 2 பாகங்களின் வரவேற்பைத் தொடர்ந்து அதன் மூன்றாவது பாகமாக மோகன் கோவிந்த் இயக்கத்தில் உருவாகியுள்ள திரைப்படம் 'Pizza 3'. அஷ்வின் காக்குமானு, பவித்ரா மாரிமுத்து, கௌரவ் நாராயணன், அபிஷேக் சங்கர், காளி வெங்கட் உள்ளிட்டோர் இதில் நடித்துள்ளனர். ஹாரர் திரைப்படமான இது ஜூலை 28ம் தேதி திரையரங்குகளில் வெளியாகிறது.
Love (தமிழ்)
ஆர்.பி.பாலா இயக்கத்தில் பரத், வாணி போஜன், விவேக் பிரசன்னா, ராதா ரவி உள்ளிட்டோர் நடிப்பில் உருவாகியுள்ள திரைப்படம் 'Love'. சைக்கோ திரில்லர் திரைப்படமான இது ஜூலை 28ம் தேதி திரையரங்குகளில் வெளியாகியுள்ளது.
பரத், வாணி போஜன் இருவரும் காதலித்து திருமணம் செய்துகொள்கின்றனர். இதில் வாணி போஜனின் தந்தை ராதா ரவிக்கு உடபாடில்லை. பரத் மீது அவருக்கு ஒரு சந்தேகம் இருந்துகொண்டேயிருக்கிறது. திருமண பிறகு பரத், வாணி போஜன் இருவருக்குமிடையே அடிக்கடி சந்தேகங்களும் சண்டைகளும் வந்த வண்ணமிருக்கின்றன. ஒருகட்டத்தில் சண்டையில் வாணி போஜன் இறந்துவிடுகிறார். வாணி போஜனின் மரணத்திற்குப் பின் இருக்கும் மர்மங்கள் என்ன?. பரத்தின் நிலைமை என்ன? என்பதுதான் இதன் கதைக்களம்.
Dinosaurs (தமிழ்)
உதய் கார்த்திக், ரிஷி ரித்விக், சாய் பிரியா தேவா, ஸ்ரீனி உள்ளிட்டோர் நடிப்பில் எம்.ஆர்.மாதவன் இயக்கத்தில் உருவாகியுள்ள திரைப்படம் 'Dinosaurs'. க்ரைம் திரில்லர் திரைப்படமான இது ஜூலை 28ம் தேதி திரையரங்குகளில் வெளியாகியுள்ளது.
காதல், சேட்டைகள், ரவுடிசம் என ஊருக்குள் அலப்பறையாகத் திரியும் கதாநாயாகன் ரவுடி கும்பல்களின் பிரச்னையில் தலையிட்டு மாட்டிக்கொள்கிறார். அதிலிருந்து அவர் தப்பித்தாரா? அவரது காதல் வாழ்வு என்ன ஆனது? என்பதுதான் இதன் கதைக்களமாகயிருக்கிறது.
Voice of Sathyanathan (மலையாளம்)
மலையாள இயக்குநர் ரஃபி இயக்கத்தில் திலீப், அனுபம் கேர், ஜோஜு ஜார்ஜ், ஜானி ஆண்டனி மற்றும் சித்திக் உள்ளிட்டோர் நடிப்பில் உருவாகியுள்ள திரைப்படம் 'Voice of Sathyanathan'. காமெடி, திரில்லர் திரைப்படமான இது ஜுலை 28ம் தேதி திரையரங்குகளில் வெளியாகியுள்ளது.
Bro (தெலுங்கு)
பிரபல தமிழ் இயக்குநர் சமுத்திரக்கனி இயக்கத்தில் பவன் கல்யாண், ரோகினி, பிரம்மானந்தம் உள்ளிட்டோர் நடிப்பில் உருவாகியுல்ள திரைப்படம் 'Bro'. காமெடி, திரில்லர் திரைப்படமான இது ஜூலை 28ம் தேதி திரையரங்குகளில் வெளியாகியுள்ளது.
காலமான பவன் கல்யாண் மீண்டும் வந்து தன் வாழ்வில் செய்த தவறுகளைச் சரிசெய்ய முயற்சி செய்யும் ஒரு பேன்டஸி கதைதான் இதன் கதைக்களம்.
Kousalya Supraja Rama (கன்னடம்)
ஷஷாங்க் இயக்கத்தில் கிருஷ்ணா, பிருந்தா ஆச்சார்யா, மிலானா நாகராஜ், அச்யுத் குமார் உள்ளிட்டோர் நடிப்பில் உருவாகியுள்ள கன்னட திரைப்படம் 'Kousalya Supraja Rama'. காதல், காமெடி, திரில்லர் திரைப்படமான இது ஜூலை 28ம் தேதி திரையரங்குகளில் வெளியாகியுள்ளது.
திமிரான ஆணாதிக்கவாதியாக இருக்கும் கதாநாயகன் ஒரு கட்டத்தில் காதலில் விழுகிறார். தனது திமிரான குணத்தால் பல தவறு செய்து காதலியையும் தன் குடும்பத்தினரையும் கஷ்டப்படுத்துகிறார் கதாநாயகன், காதலாலும், காதலியாலும் கொஞ்சம் கொஞ்சமாக நல்லவனாக மாறுகிறார் என்பதுதான் இதன் கதைக்களம்.
Rocky Aur Rani Kii Prem Kahaani (இந்தி)
கரண் ஜோஹர் இயக்கத்தில் ரன்வீர் சிங், ஆலியா பட் உள்ளிட்டோர் நடிப்பில் உருவாகியுள்ள திரைப்படம் 'Rocky Aur Rani Kii Prem Kahaani'. காமெடி, கலர்புல் காதல் திரைப்படமான இது ஜூலை 28ம் தேதி திரையரங்குகளில் வெளியாகியுள்ளது.
ரன்வீர் சிங் -ஆலியா பட் இருவரும் ஒரு சண்டையின் மூலம் காதலர்களாகிவிடுகின்றனர். ஆனால், இருவரின் குடும்பமும் வெவ்வேறான பின்னணியைக் கொண்டதாக இருக்கிறது. இது திருமணத்திற்குப் பெரும் தடையாக மாறிவிடுகிறது. இதனைச் சரிசெய்ய இருவரும் தங்களின் குடும்பங்களை மாற்றிக்கொண்டு ரன்வீர் சிங் குடும்பத்தில் ஆலியா பட்டும், ஆலியா பட் குடுப்பத்தில் ரன்வீர் சிங்கும் கொஞ்ச நாட்களுக்கு வசிக்க ஒப்பந்தம் செய்து கொள்கின்றனர். இறுதியாக இரண்டு குடும்பங்களும் இவர்களை ஏற்றுக் கொண்டதா? இவர்களுக்குத் திருமண நடந்ததா? என்பதுதான் இதன் கதைக்களம்.
Haunted Mansion (ஆங்கிலம்)
ஜஸ்டின் சிமியன் இயக்கத்தில் லகீத் ஸ்டான்ஃபீல்ட், ரொசாரியோ டாசன், ஓவன் வில்சன் உள்ளிட்டோர் நடிப்பில் உருவாகியுள்ள திரைப்படம் 'Haunted Mansion'. மாயஜாலங்களும் மர்மங்களும் நிறைந்த ஹாரர் காமெடி திரைப்படமான இது ஜூலை 28ம் தேதி திரையரங்குகளில் வெளியாகியுள்ளது.
ஒரு பெண் பிரம்மாண்டமான விடுதி ஒன்றை விலைக்கு வாங்குகிறார். ஆனால், பேய்களும், மாயஜால சக்திகளும் அங்கு யாரையும் தங்விடாமல் தொந்தரவு செய்கிறது. இப்பிரச்னைகளைச் சரிசெய்யவும், அங்கிருக்கும் பேய்களையும் மாயஜால சக்திகளையும் விரட்டவும் முயற்சி செய்கிறார் அப்பெண். அதற்காக ஒரு சுற்றுலா வழிகாட்டி, ஒரு மனநோயாளி, ஒரு பாதிரியார் மற்றும் ஒரு வரலாற்றாசிரியரை கொண்ட குழு ஒன்றைப் பணியமர்த்துகிறார். இறுதியில் அக்குழு அப்பேய்களை வெறியேற்றியதா? அங்கு என்ன நடந்தது? என்பதை காமெடி கலந்த திரில்லராக சொல்லும் படம் இது.
இந்த வார ஓடிடி ரிலீஸ்கள்
அப்பத்தா (தமிழ்) - Jio Cinema
ஊர்வதி நடிப்பில் பிரியதர்ஷன் இயக்கத்தில் உருவாகியுள்ள திரைப்படம் 'அப்பத்தா'. காமெடி ஜானரி திரைப்படமான இது ஜூலை 29ம் தேதி 'Jio Cinema' ஓடிடி தளத்தில் வெளியாகிறது.
கிராமத்தில் ஊறுகாய் வியாபாரம் செய்து வரும் ஊர்வசி, எதிர்பாராத விதாமக ஒருநாள், நகரத்தில் இருக்கும் தன் மகனின் வீட்டிற்குச் செல்ல நேரிடுகிறது. மகன் குடும்பத்தினர் ஊருக்குச் செல்வதால் அவர்களது செல்ல நாயைப் பார்த்துக்கொள்ளத்தான் மகன் தன்னை அழைத்தது அங்கு போய்த்தான் அவருக்குத் தெரிய வருகிறது. ஊர்வசிக்கு சிறு வயது முதல் நாய் என்றால் பயம். அவர் எப்படி அந்த நாயின் அலப்பறைகளைச் சமாளித்து அதனுடன் அன்பாக பழகத்தொடங்கினார் என்பதுதான் இதன் கதைக்களம்.
One Friday Night (இந்தி) - Jio Cinema
மணீஷ் குப்தா இயக்கத்தில் விதி சிட்டாலியா, ஹேமந்த் கே கவுர், அம்ப்ரிஷ் சக்சேனா உள்ளிட்டோர் நடிப்பில் உருவாகியுள்ள இந்தி திரைப்படம் 'One Friday Night'. விருவிருப்பான க்ரைம் திரில்லர் திரைப்படமான இது ஜூலை 28ம் தேதி 'Jio Cinema' ஓடிடி தளத்தில் வெளியாகியுள்ளது.
ஓர் இரவில் மலையில் தனியாக இருக்கும் ஒரு வில்லாவில் தங்கியிருக்கும் பெண்களைச் சுற்றி மர்ம விஷயங்கள் தொடர்ந்து நடக்கிறது. அந்த மர்மமான இரவை அவர்கள் கடந்தார்களா? அதன் பின்னணி என்ன? என்பதே இதன் கதைக்களம்.
Happiness for Beginners (ஆங்கிலம்) Netflix
விக்கி வைட் இயக்கத்தில் எல்லி கெம்பர், லூக் கிரிம்ஸ், நிகோ சாண்டோஸ் உள்ளிட்டோர் நடிப்பில் உருவாகியுள்ள திரைப்படம் 'Happiness for Beginners'. காதல், காமெடி திரைப்படமான இது ஜூலை 27ம் தேதி 'Netflix' ஓடிடி தளத்தில் வெளியாகியுள்ளது.
ஹெலன் விவாகரத்து பெற்ற ஒரு வருடத்திற்குப் பிறகு, அறிமுகமில்லாத சில நண்பர்களுடன் சேர்ந்து ஒரு வனப்பகுதியில் ட்ரக்கிங் பயணம் செல்கிறார். அங்கு அவருக்கு ஒரு ஆண் நண்பரும் பழக்கமாகிறார். இந்தப் பயணம் அவரது வாழ்வை எப்படி மாற்றியது என்பதே இதன் கதைக்களம்.
Hidden Strike (ஆங்கிலம்) - Netflix
ஸ்காட் வா இயக்கத்தில் ஜாக்கி சான், ஜான் செனா, பிலோ அஸ்பேக் உள்ளிட்டோர் நடிப்பில் உருவாகியுள்ள திரைப்படம் 'Hidden Strike'. ஆக்ஷன், அட்வென்சர், காமெடி நிறைந்த இத்திரைப்படம் ஜூலை 28ம் தேதி 'Netflix' ஓடிடி தளத்தில் வெளியாகியுள்ளது.
ஜாக்கி சான், ஜான் சீனா இருவரும் முன்னாள் சிறப்புப் படை வீரர்கள். இவர்கள் இருவரால் மட்டுமே உலகை அழிக்க நினைக்கும் கும்பல்களிடமிருந்து மக்களையும், தங்களது நண்பர்களையும் காப்பாற்ற முடியும். இதை உணர்ந்த இவர்கள் தீவிரவாத கும்பல்களின் சதியிலிருந்து அனைவரையும் காப்பாற்றினார்களா? என்பதுதான் இதன்கதைக்களம்.
The Ghost Station (கொரியன்) - Amazon Prime Video
யோங்-கி ஜியோங் இயக்கத்தில் போ-ரா கிம், ஜே ஹியூன் கிம், ஷின் சோ-யுல் உள்ளிட்டோர் நடிப்பில் உருவாகியுள்ள திரைப்படம் 'The Ghost Station'. ஹாரர் திரில்லர் நிறைந்த இத்திரைப்படம் ஜூலை 25ம் தேதி 'Amazon Prime Video' ஓடிடி தளத்தில் வெளியாகியுள்ளது.
இரயில் நிலையம் ஒன்றில் மர்மமான பேய் ஒன்று தனியாக இருக்கும் பயணிகளைத் தொடர்ந்து கொன்று வருகிறது. இது குறித்து அப்பகுதி போலீசார் விசாரிக்கின்றனர். அந்த இரயில் நிலையத்தில் பணிபுரியும் நண்பர்களும் இதைக் கண்டுபிடிக்க முயற்சி செய்கின்றனர். அந்த மர்மத்தை அவர்கள் கண்டுபிடித்தார்களா? இதன் பின்னணி என்ன? என்பதே இதன் கதைக்களம்.
The Murderer (Thai) - Netflix
சசனாடியெங் இயக்கத்தில் பெத்தாய் வோங்கும்லாவ், ஈசயா ஹோசுவான் உள்ளிட்டோர் நடிப்பில் உருவாகியுள்ள திரைப்படம் 'The Murderer'. காமெடியான க்ரைம் திரில்லர் திரைப்படமான இது ஜூலை 27ம் தேதி 'Netflix' ஓடிடி தளத்தில் வெளியாகியுள்ளது.
தனியாக ஒரு பண்ணை வீட்டில் தங்கியிருக்கும் காதலர்களின் வீட்டின் அருகில் மர்மமான முறையில் ஒரு கொலை நடக்கிறது. இதற்காகக் காவல்துறையினர் இவர்களை விசாரிக்கின்றனர். இறுதியாக அந்தக் கொலைக்கானப் பின்னணியைக் காவலர்கள் விசாரணையில் கண்டுபிடித்தார்களா? என்பதுதான் இதன் கதைக்களம்.
Paradise (German) - Netflix
போரிஸ் குன்ஸ், தாமஸ் ஜோன்ஸ்கார்டன், இண்ட்ரே ஜஸ்குட் ஆகியோ இயக்கத்தில் நுமன் அகார், ஐரிஸ் பெர்பென், அலினா காரா உள்ளிட்டோர் நடிப்பில் உருவாகியுள்ள திரைப்படம் 'Paradise'. சயின்ஸ்-பிக்சன் திரைப்படமான இது ஜூலை 27ம் தேதி 'Netflix' ஓடிடி தளத்தில் வெளியாகியுள்ளது.
மக்களின் இளமையை வியாபாராமாக்க நினைக்கும் சில ஆராய்ச்சியாளர்கள் இளம் பெண்களின் உடலிலிருந்து இளமையை எடுத்து விற்கும் ஆராய்ச்சியில் ஈடுபடுகிறார்கள். இதேபோல பலரின் இளமை வயது காலத்தை எடுத்து, காசுக்காக வேறு ஒருவருக்குப் பரிமாற்றம் செய்து விற்கும் முயற்சியில் ஈடுபடுகிறார்கள். இதனால் பாதிக்கப்பட்டப் பெண்கள் நாளுக்குநாள் வாயதாகிக் கொண்டேபோகிறார். அப்படி பாதிக்கப்பட்ட பெண்ணைக் காப்பற்ற நினைக்கும் அவரது காதலன் தன் காதலியைக் குணப்படுத்தினாரா?, அந்த ஆராய்ச்சியாளர்களின் கும்பலின் தீய ஆராய்ச்சிகளை முடிவுக்குக் கொண்டு வந்தாரா? என்பதுதான் இதன் கதைக்களம்.
இந்த வார வெப்சீரிஸ்கள்
Half CA (இந்தி) - Amazon Prime Video /Amazon mini tv
அருணாப் குமார், ஹரிஷ் பெடிண்டி ஆகியோர் இயக்கத்தில் அஹ்சாஸ் சன்னா, ஞானேந்திர திரிபாதி, அன்மோல் கஜானி உள்ளிட்டோர் நடிப்பில் உருவாகியுள்ள இந்தி வெப்சீரிஸ் 'Half CA'. இந்த வெப்சீரிஸ் 'Amazon Prime Video/ Amazon mini tv' ஓடிடி தளத்தில் ஜூலை 27ம் தேதி முதல் வெளியாகிறது.
இரண்டு வெவ்வேறு பின்னணியிலிருந்து CA படிக்க வரும் இரண்டு மாணவர்களின் காதல், படிப்பு, வாழ்க்கை ஆகிவற்றை பற்றிக் கூறுவதுதான் இதன் கதைக்களம்.
Kaalkoot (இந்தி) - Jio Cinema
விஜய் வர்மா, ஸ்வேதா திரிபாதி, யஷ்பால் சர்மாஉள்ளிட்டோர் நடிப்பில் உருவாகியுள்ள இந்தி வெப்சீரிஸ் 'Kaalkoot'. இந்த வெப்சீரிஸ் 'Jio Cinema' ஓடிடி தளத்தில் ஜூலை 27ம் தேதி முதல் வெளியாகிறது.
காவல்துறை அதிகாரியாக இருக்கும் கதாநாயகன் தன்னுடைய குடும்பத்தையும், காதலியையும் எப்படி சமாளிக்கிறார் என்பதும் அதேசமயம் தன் பணியில் தான் சந்திக்கும் முக்கியமான வழக்குகளையும், உயர் அதிகாரிகளின் அழுத்தங்களையும் எப்படி எதிர்கொள்கிறார் என்பதும்தான் இந்த வெப்சீரிஸின் கதைக்களம்.
How to Become a Cult Leader (ஆங்கிலம்) - Netflix
பீட்டர் டிங்க்லேஜ் நடிப்பில் உருவாகியுள்ள ஆங்கில வெப்சீரிஸ் 'How to Become a Cult Leader'. இந்த வெப்சீரிஸ் 'Netflix' ஓடிடி தளத்தில் ஜூலை 27ம் தேதி முதல் வெளியாகிறது.
மார்ஷல் ஆப்பிள்வைட், சார்லஸ் மேன்சன் போன்ற ஆறு முக்கியத் தலைவர்களின் வாழ்க்கை, பணி, தலைமைப்பண்பு, ஆன்மாக்களைக் கட்டளையிடும் அவர்களின் திறன் உள்ளிட்டவற்றை பற்றிய ஆறு பாகங்கள் கொண்ட ஒரு ஆவணப்படம் தான் இந்த 'How to Become a Cult Leader'.
Twisted Metal (ஆங்கிலம்) - SonyLIV
அந்தோனி மேக்கி, தாஜ் வாகன்ஸ், ஸ்டீபனி பீட்ரிஸ் நடிப்பில் Bill Benz, Kitao Sakurai, Jude Weng ஆகியோர் இயக்கத்தில் உருவாகியுள்ள ஆங்கில வெப்சீரிஸ் 'Twisted Metal'. ஆக்ஷன், அட்வன்சர் நிறைந்த இந்த வெப்சீரிஸ் 'SonyLIV' ஓடிடி தளத்தில் ஜூலை 28ம் தேதி முதல் வெளியாகிறது.
கார் ஓட்டுவதில் ஆர்வம் கொண்ட நண்பர்களுக்கு திடீரென பணக்காரராகும் வாய்ப்பு ஒன்று கிடைக்கிறது. ஆனால், அதற்காக அவர்கள் மர்மங்கள் நிறைந்த ஒரு மிகப்பெரிய பணியைச் செய்து முடிக்க வேண்டும். அதைச்செய்து அவர்கள் தங்களின் ஆசைகளை அடைந்தார்களா? என்பதுதான் இதன் கதைக்களம்.
தியேட்டர் டு ஓடிடி
ரெஜினா (தமிழ்) - Amazon Prime video
மலையாளத்தில் 'Paipin Chuvattile Pranayam', 'Star' படங்களை இயக்கிய டொமின் டி.சில்வா இயக்கத்தில் சுனைனா, அனந்த் நாக், நிவாஸ் ஆதித்தன், சாய் தீனா, சரத் அப்பானி உள்ளிட்டோர் நடிப்பில் தமிழில் வெளியாகியுள்ள திரைப்படம் 'Regina'. திரையரங்குகளில் வெளியாகியிருந்த இத்திரைப்படம் தற்போது 'Amazon Prime video' ஓடிடி தளத்தில் வெளியாகியுள்ளது.
அனாதையான ரெஜினா தன் வாழ்வின் மகிழ்ச்சியாய் வரும் தன் காதல் கணவனை இழந்து விடுகிறார். கணவனைக் கொன்ற கொள்ளைக் கும்பலுக்கு உரிய தண்டைனை வழங்க வேண்டும் என நீதி கேட்டுக் காவல் நிலையத்திற்கு அலைந்து மனமுடைகிறாள். ஒருகட்டத்தில் பொறுமையிழக்கும் ரெஜினா, தன் கணவனைக் கொன்றவர்களைக் கண்டுபிடித்துப் பழிவாங்கத் தனி ஆளாக ஆக்ஷன் அவதாரத்தில் களமிறங்குகிறார். இறுதியில், குற்றவாளிகளைக் கண்டுபிடித்துப் பழிவாங்கினாரா, கொலையின் பின்னணி என்ன என்பதுதான் இதன் கதைக்களம்.
மாமன்னன் (தமிழ்) - Netflix
வடிவேலு, பகத் பாசில், உதயநிதி ஸ்டாலின், கீர்த்தி சுரேஷ் உள்ளிட்டோர் நடிப்பில் மாரி செல்வராஜ் இயக்கத்தில் உருவாகியுள்ள திரைப்படம் 'மாமன்னன்'. திரையரங்குகளில் வெளியாகியிருந்த இத்திரைப்படம் தற்போது 'Netflix' ஓடிடி தளத்தில் வெளியாகியுள்ளது.
அதிவீரன் தன் தந்தையுடன் ஏன் பேசாமல் இருக்கிறார், மாமன்னன் என்கிற தனிமனிதனுக்கும் ரத்னவேலு என்கிற தனிமனிதனுக்கும் உள்ள அரசியல் வேறுபாடு என்ன, மாமன்னனுக்கும் ரத்னவேலுவிற்குமான மோதலில் யார் வென்றார் போன்றவற்றின் மூலமாக அரசியல் கட்சிகள் மற்றும் தேர்தல் அரசியலில் இருக்கும் சாதிய அரசியலை பற்றி பேசுவதுதான் இதன் கதைக்களம்.
Kolla (மலையாளம்) - manoramaMAX
சூரஜ் வர்மா இயக்கத்தில் ரஜிஷா விஜயன், பிரியா பிரகாஷ் வாரியர், வினய் உள்ளிடோர் நடிப்பில் உருவாகியுள்ள மலையாள திரைப்படம் 'Kolla'. திரையரங்குகளில் வெளியாகியிருந்த இத்திரைப்படம் தற்போது 'manoramaMAX' ஓடிடி தளத்தில் வெளியாகியுள்ளது.
பியூட்டி பார்லர் வைத்து தொழில்முனைவோராக வளர்ந்து வரும் இரண்டு பெண்களின் வாழ்க்கையில் நடக்கும் பிரச்னைகளை மையமாகக் கொண்ட திரைப்படம் இது.
Spy (தெலுங்கு) - Amazon Prime Video
தெலுங்கு படங்களில் படத்தொகுப்பாளாரகப் பணியாற்றிய கேரி பிஎச் இயக்கத்தில் நிகில் சித்தார்த்தா, ஆர்யன் ராஜேஷ், நிதின் மேத்தா உள்ளிட்டோர் நடிப்பில் உருவாகியுள்ள திரைப்படம் 'Spy'. திரையரங்குகளில் வெளியாகியிருந்த இத்திரைப்படம் தற்போது 'Amazon Prime Video' ஓடிடி தளத்தில் வெளியாகியுள்ளது.
'RAW' ஏஜெண்டாக இருக்கும் கதாநாயகன் தன் நாட்டையும் குடும்பதையும் தீவிரவாதிகளிடமிருந்து எப்படி காப்பாற்றுகிறார். தீவரவாதிகளால் கொலை செய்யப்பட்ட தன் சகோதரன் கொலையின் பின்னணி என்ன? என்பதுதான் இதன் கதைக்களம்.
Samajavaragamana (தெலுங்கு) - Aha
ராம் அப்பாராஜு இயக்கத்தில் வெண்ணெல கிஷோர், வி.கே. நரேஷ், கௌஷிக் மஹதா உள்ளிட்டோர் நடிப்பில் குடும்பப் பின்னணியுடன் காமெடி, கலாட்டா நிறைந்த திரைப்படமாக உருவாகியுள்ள தெலுங்கு திரைப்படம் 'Samajavaragamana'. திரையரங்குகளில் வெளியாகியிருந்த இத்திரைப்படம் தற்போது 'Aha' ஓடிடி தளத்தில் வெளியாகியுள்ளது.
காதலையும், சொந்தக்காரர்களையும் வெறுக்கும் கதாநாயகன் தன் குடும்பத்தின் மீது மிகுந்த அன்புகொண்டிருக்கிறார். குடும்பதிற்காக ஓடிக்கொண்டிருக்கும் கதாநாயகன் எப்படி காதலில் விழுகிறார். அந்தக் காதலை குடும்பத்தின் சம்மதத்துடன் எப்படி திருமண பந்தமாக மாற்றுகிறார் என்பதே இப்படத்தின் கதைக்களம்.
Scream VI (ஆங்கிலம்) - Amazon Prime Video
டைலர் கில்லட், மாட் பெட்டினெல்லி - ஓல்பின் இயக்கத்தில் மெலிசா பாரெரா, கோர்டனி காக்ஸ், ஜென்னா ஒர்டேகா உள்ளிட்டோர் நடிப்பில் உருவாகியுள்ள ஆங்கில மொழித் திரைப்படம் 'Scream VI'. திரையரங்குகளில் வெளியாகியிருந்த ஹாரர் க்ரைம் இத்திரைப்படமான இது தற்போது 'Amazon Prime Video' ஓடிடி தளத்தில் வெளியாகியுள்ளது.
பேய் வடிவத்தில் மாஸ்க் அணிந்திருக்கும் சீரியல் கில்லர் தொடர்ந்து பலரை கொலை செய்து வருகிறான். மாஸ்க்கிற்குப் பின்னால் இருக்கும் அந்த கொலைக்காரன் யார்? இந்தக் கொலைகளின் பின்னணி என்பதே இதன் கதைக்களம்.
from விகடன்
Comments