தீராக் காதல் (தமிழ்)
ரோஹின் வெங்கடேசன் இயக்கத்தில் ஜெய், ஐஸ்வர்யா ராஜேஷ், ஷிவதா உள்ளிட்டோர் நடிப்பில் உருவாகியுள்ள திரைப்படம் 'தீராக் காதல்'. கல்யாணமாகி மனைவி, குழந்தையுடன் வாழும் நடிகர் ஜெய், தனது முன்னால் காதலியைச் சந்திப்பதுதான் இப்படத்தின் கதைக்களம். ரொமாண்டிக் திரைப்படமான இது நேற்று (மே 26ம் தேதி) திரையரங்குகளில் வெளியாகியிருக்கிறது.
கழுவேத்தி மூர்க்கன் (தமிழ்)
சாதிவெறிக்கு எதிரான ரிவென்ஜ் ஸ்டோரியாக எடுக்கப்பட்டுள்ள திரைப்படம் 'கழுவேத்தி மூர்க்கன்'. ஜோதிகா நடித்த 'ராட்சசி' திரைப்படத்தை இயக்கிய சை.கெளதமராஜ் இயக்கத்தில் அருள்நிதி, துஷாரா விஜயன், சந்தோஷ் பிரதாப் உள்ளிட்டோர் நடித்துள்ள இத்திரைப்படம் நேற்று (மே 26ம் தேதி) திரையரங்குகளில் வெளியாகியுள்ளது.
காசேதான் கடவுளடா (தமிழ்)
'The Great Indian Kitchen' படத்தைத் தமிழில் எடுத்த ஆர்.கண்ணன் இயக்கத்தில் சிவா, ப்ரியா ஆனந்த், யோகி பாபு, மனோபாலா உள்ளிட்டோர் நடிப்பில் உருவாகியுள்ள திரைப்படம் 'காசேதான் கடவுளடா'. இது அதே பெயரில் தேங்காய் சீனிவாசன், முத்துராமன் உள்ளிட்டோர் நடிப்பில் வெளியான கிளாசிக் நகைச்சுவை திரைப்படத்தின் ரீமேக். நேற்று (மே 26ம் தேதி) திரையரங்குகளில் வெளியாக வேண்டிய படம், பல்வேறு காரணங்களால் வெளியாகாமல், இன்று வெளியாகியிருக்கிறது.
Mem Famous (தெலுங்கு)
தெலுங்கு நடிகர்கள் ராசி, சார்யா, முரளிதர் கவுட் உள்ளிட்டோர் நடிப்பில் உருவாகியுள்ள நகைச்சுவைத் திரைப்படம் 'Mem Famous'. இளம் வயதினரின் காதல், நட்பு, குடும்பம் ஆகியவற்றைச் சுற்றி நடக்கும் கலகலப்பானத் தருணங்களை மையமாக வைத்து எடுக்கப்பட்டது இத்திரைப்படம். சுமந்த் பிரபாஸ் இயக்கத்தில் உருவாகியுள்ள இத்திரைப்படம் நேற்று (மே 26ம் தேதி) திரையரங்குகளில் வெளியாகியுள்ளது.
Jogira Sara Ra Ra (இந்தி)
நவாசுதீன் சித்திக், நேஹா சர்மா, சஞ்சய் மிஸ்ரா உள்ளிட்டோர் நடிப்பில் உருவாகியுள்ள இந்தி மொழி திரைப்படம் 'Jogira Sara Ra Ra'. கல்யாணம் பிடிக்காமல் அதிலிருந்த தப்பிக்க முயலும் பெண்ணிற்கு நவாசுதீன் சித்திக் உதவி செய்கிறார். அதனால் அவர்கள் இருவரும் சந்திக்கும் பிரச்னைகளும், நகைச்சுவை நிறைந்த சம்பவங்களும்தான் இத்திரைப்படத்தின் கதைக்களம். குஷன் நந்தி இயக்கியிருக்கும் இத்திரைப்படம் நேற்று (மே 26ம் தேதி) திரையரங்குகளில் வெளியாகியுள்ளது.
Beau Is Afraid (ஆங்கிலம்)
'ஜோக்கர்' படத்தின் மூலம் ஆஸ்கர் வென்ற நடிகர் வகீன் ஃபீனிக்ஸ் நடிப்பில் அரி ஆஸ்டர் இயக்கத்தில் ஹாரர், காமெடி கலந்த திரைப்படமாக உருவாகியிருக்கும் இது நேற்று (மே 26ம் தேதி) திரையரங்குகளில் வெளியாகியுள்ளது. அம்மாவின் துணையுடன் வாழும் பயந்த சுபாவமுடைய வகின் பீனிக்ஸ், தனது அம்மாவின் இறப்பிற்குப் பிறகு இருள் நிறைந்த தன் வீட்டில் தனியாக வாழ வேண்டிய சூழல் ஏற்படுகிறது. இதனால் தனக்கு ஏற்படும் உளவியல் ரீதியான பாதிப்பைத் தனியாக எதிர்கொண்டு அதிலிருந்து எப்படி மீண்டார் என்பதுதான் இதன் கதைக்களம்.
The Little Mermaid (ஆங்கிலம்)
'Disney' நிறுவனத்தின் தயாரிப்பில் ராப் மார்ஷல் இயக்கத்தில் டேவிட் மேகி எழுத்தில் உருவாகியுள்ள அட்வென்ச்சர், ஃபேன்டஸி நிறைந்த அனிமேஷன் திரைப்படம் 'The Little Mermaid'. கடல் நடுவே ஏற்பட்ட கப்பல் விபத்தினால் இளவரசன் கடலில் மூழ்கி உயிருக்காகப் போராடுகிறான். அவனின் உயிரைக் காப்பாற்றி கரைசேர்த்து காதலில் விழுந்துவிடுகிறாள் மீன் உடல் கொண்ட கடல் இளவரசி. பின்னர், தன் காதல் இளவரசனை அடைய தன் மீன் உடலை மனிதக் கால்களாக மாற்றி நிலத்தில் வாழும் அவனைத் தேடிக் கண்டுபிடிக்க முயல்கிறாள். அதன்பின் அவளின் காதல் என்ன ஆனாது, நீரில் வாழும் அவளும், நிலத்தில் வாழும் அவனும் சேர்ந்தார்களா என்பதுதான் இப்படத்தின் கதைக்களம். இத்திரைப்படம் நேற்று (மே 26ம் தேதி) திரையரங்குகளில் வெளியாகியுள்ளது.
About My Father (ஆங்கிலம்)
வயதான தந்தை, மகன் இருவரும் வீக்கெண்டை ஜாலியாக கொண்டாட எண்ணி பல இடங்களுக்குச் சுற்றுப் பயணம் செல்கின்றனர். அந்தப் பயணத்தில் தந்தை தனது பால்யக் கால பெண் தோழிகளைச் சந்திக்கிறார். அப்போது மகன், தந்தை இருவருக்கும் சிறு சிறு முரண்களும், கருத்து வேறுபாடுகளும் ஏற்பட்டு இருவரும் ஒருவரையொருவரும், குடும்ப வாழ்க்கைப் பற்றியும் புரிந்து கொள்வதுதான் இப்படத்தின் கதை. பெண் இயக்குநர் லாரா டெர்ருசோ இயக்கத்தில் செபாஸ்டியன் மனிஸ்கால்கோ, ராபர்ட் டி நீரோ, லெஸ்லி பிப் உள்ளிட்டோர் நடிப்பில் நகைச்சுவை திரைப்படமாக உருவாகியுள்ள இது நேற்று (மே 26ம் தேதி) திரையரங்குகளில் வெளியாகியுள்ளது.
ஓ.டி.டி-யில் நேரடியாக வெளியாகும் படைப்புகள்...
Boo (தமிழ், தெலுங்கு) - Jio Cinema
இயக்குநர் விஜய் இயக்கத்தில் இன்று (மே 27ம் தேதி) 'Jio Cinema' ஓடிடி தளத்தில் வெளியாகியுள்ள திரைப்படம் 'Boo'. ஹாரர், க்ரைம் திரைப்படமாக உருவாகியுள்ள இதில் ரகுல் ப்ரீத் சிங், நிவேதா பெத்துராஜ், மேகா ஆகாஷ், விஷ்வக் சென் மற்றும் மஞ்சிமா மோகன் உள்ளிட்டோர் நடித்துள்ளனர்.
Sirf Ek Bandaa Kaafi Hai (இந்தி) - Zee5
அபூர்வ் சிங் கார்க்கி இயக்கத்தில் மனோஜ் பாஜ்பாய், சூர்யா மோகன் குல்ஸ்ரேஷ்டா, ஜெய் ஹிந்த் குமார் உள்ளிட்டோர் நடிப்பில் உருவாகியுள்ள திரைப்படம் 'Sirf Ek Bandaa Kaafi Hai'. நேர்மையான ஒரு சாதாரண வழக்கறிஞர் தன் பக்கம் உள்ள உண்மையை நிரூப்பித்து உரிய நீதி வேண்டி போராடும் ஒரு கோர்ட்ரூம் ட்ராமாதான் இத்திரைப்படம். இது 'Zee5' ஓடிடி தளத்தில் நேற்று (மே 26ம் தேதி) வெளியாகியுள்ளது.
City of Dreams S3 (இந்தி) - Disney Plus Hotstar
அதிகாரத்திற்காகப் போராடும் சுவாரஸ்யமான அரசியல் ட்ராமா வெப்சீரிஸ் 'City of Dreams'. இதன் முதல் சீசனில் பூர்ணிமா கெய்க்வாட் கதாபாத்திரத்தில் நடித்துள்ள நடிகை ப்ரியா பாபட் தனது சகோதரனைக் கொன்று மகாராஷ்டிர முதல்வர் நாற்காலியைக் கைப்பற்றுகிறார். சீசன் 2-வில் பூர்ணிமா கெய்க்வாட், அரசியல் சூழ்ச்சிகளால் தனது இளம் மகனை குண்டுவெடிப்பில் இழந்துவிடுகிறாள். அதன் தொடர்ச்சியாக இந்த மூன்றாவது சீசனில், முதல்வர் பதவியைவிட அதிகாரம் கொண்ட 'என்றும் அதிகாரம் இழக்காத' இடத்தைப் பிடிக்க துடிக்கிறார் பூர்ணிமா கெய்க்வாட். அரசியல் சூழ்ச்சிகள், அதிகார போதைகள், குதிரை பேரங்கள் என பரபரப்பிற்குப் பஞ்சமில்லாமல் நகரும் இந்த இந்தி மொழி வெப்சீரிஸின் மூன்றாவது சீசன் 'Disney Plus Hotstar' ஓடிடி தளத்தில் வெளியாகியுள்ளது.
American Born Chinese (ஆங்கிலம்) - Disney Plus Hotstar
பள்ளியில் படிக்கும் சிறுவர்கள் மாயாஜால சக்திகளுடன் தீய சக்திகளுக்கு எதிராகப் போராடுவதுதான் இப்படத்தின் கதை. அட்வென்ச்சர், ஆக்ஷன், காமெடி என சுவாரஸ்யம் நிறைந்த இந்த ஆங்கில மொழி வெப்சீரிஸ் 'American Born Chinese'. கெல்வின் யூ இயக்கத்தில் பென் வாங், மைக்கேலே, கி கே குவான் உள்ளிட்டோர் நடிப்பில் உருவாகியுள்ள இந்த வெப்சீரிஸ் 'Disney Plus Hotstar' ஓடிடி தளத்தில் கடந்த மே 24ம் தேதி வெளியாகியுள்ளது.
1923 (ஆங்கிலம்) - Jio Cinema
டெய்லர் ஷெரிடன் இயக்கத்தில் ஹாரிசன் ஃபோர்டு, ஹெலன் மிர்ரன், பிராண்டன் ஸ்க்லெனர் உள்ளிட்டோர் நடிப்பில் உருவாகியுள்ள ஆங்கில மொழி வெப்சீரிஸ் '1923'. 20-ம் நூற்றாண்டின் முற்பகுதியில் மேற்கத்திய விரிவாக்கம், தடை மற்றும் கடும் பொருளாதார மந்தநிலை ஆகியவற்றினால் பாதிக்கப்பட்ட ஆங்கிலேயர்கள் (Duttons) பெரும் சவால்களை எதிர்கொண்டு அதிலிருந்து மீண்டு வெற்றி காண்பதுதான் இந்த வெப்சீரிஸின் கதைக்களம். இந்த வெப்சீரிஸ் இந்தியாவில் 'Jio Cinema' ஓடிடி தளத்தில் கடந்த மே 24ம் தேதி வெளியாகியுள்ளது.
FUBAR (ஆங்கிலம்) - Netflix
நிக் சாண்டோரா இயக்கத்தில் அர்னால்ட், மோனிகா பார்பரோ, மிலன் கார்ட்டர் உள்ளிட்டோர் நடிப்பில் உருவாகியுள்ள வெப்சீரிஸ் 'FUBAR'. தந்தை, மகள் இருவரும் பல ஆண்டுகளாக சிஐஏ ஆபரேட்டிவ்களாக பணியாற்றி வருகின்றனர். ஆனால், இருவரும் தங்களின் பணி குறித்தான ரகசியத்தைச் வெளிக்காட்டாமல் இருக்கின்றனர். பின்னர், இருவரும் ஒருவரையொருவரை அறிந்து தங்களுக்கு வரும் ஆபத்துகளை சேர்ந்து எதிர்கொள்வதுதான் இந்த வெப்சீர்ஸின் கதை. அக்ஷன், திரில் நிறைந்த இந்த வெப்சீரிஸ் 'Netflix' ஓடிடி தளத்தில் கடந்த மே 25ம் தேதி வெளியாகியுள்ளது.
Turn of the tide (போர்ச்சுகல்) - Netflix
போதைப்பொருள்கள் நிறைந்த கப்பல் ஒன்று விபத்தினால் ஒரு தீவில் போய் நின்று விடுகிறது. பணம் சம்பாதித்து பெரிய பணக்காரர்களாக வேண்டும் என்ற கனவுடன் சுற்றித் திரியும் நண்பர்கள் அந்த போதைப்பொருள்களை வைத்து பணம் சம்பாதிக்கப் பல திட்டங்கள் போடுகிறார்கள். அதில் ஏற்படும் சிக்கல்கள்தான் இதன் கதை. நகைச்சுவை, சுவாரஸ்யம் நிறைந்த இந்த வெப்சீர்ஸ் 'Netflix' ஓடிடி தளத்தில் நேற்று (மே 26ம் தேதி) வெளியாகியுள்ளது.
தியேட்டர் டு ஓடிடி...
Virupaksha (தெலுங்கு) - Netflix
கார்த்திக் வர்மா தண்டு இயக்கத்தில் சாய் தரம் தேஜ், சம்யுக்தா மேனன், சுனில் உள்ளிட்டோர் நடிப்பில் உருவாகியுள்ள தெலுங்கு மொழி திரைப்படம் 'Virupaksha'. ஊரே சேர்ந்து ஒரு குடும்பத்தை கொலை செய்துவிடுகிறது. அதற்காக அந்தக் குடும்பத்தைச் சேர்ந்தவர்கள் அந்த ஊரையே பழி வாங்குவதுதான் இப்படத்தின் கதை. திரையரங்குகளில் வெளியாகி சூப்பர் ஹிட்டாகியிருந்த இத்திரைப்படம் தற்போது 'Netflix' ஓடிடி தளத்தில் வெளியாகியுள்ளது.
Paachuvum Albhuthavilakkum (மலையாளம்) - Amazon Prime Video
அகில் சத்யன் இயக்கத்தில் பகத் பாசில், மோகன் ஆகாஷே, இந்திரன்ஸ் உள்ளிட்டோர் நடிப்பில் உருவாகியுள்ள மலையாள மொழி திரைப்படம் 'Pachuvum Athbhutha Vilakkum'. மும்பையில் மெடிக்கல் கடையை நடத்தி வரும் பாச்சு என்கிற பிரசாந்திற்கு, தன் வாழ்வில் நடக்கும் எதிர்பாராதச் சம்பவங்கள் ஒரு பயணம் செய்யும் வாய்ப்பை ஏற்படுத்துகிறது. அந்த விபரீத பயணம் அற்புதமாக மாறுமா, அதனால் அவனுக்கும் அவனைச் சுற்றி இருப்பவர்களுக்கும் என்ன நடக்கிறது என்பதே படத்தின் கதை. திரையரங்குகளில் வெளியாகியிருந்த இத்திரைப்படம் தற்போது 'Amazon Prime Video' ஓடிடி தளத்தில் வெளியாகியுள்ளது.
Bharatha Circus (மலையாளம்) - Amazon Prime Video
சோஹன் சீனுலால் இயக்கத்தில் ஆராத்யா ஆன், ஷைன் டாம் சாக்கோ, ஜாஃபர் இடுக்கி உள்ளிட்டோர் நடிப்பில் உருவாகியுள்ள திரைப்படம் 'Bharatha Circus'. வன எல்லையில் உள்ள காவல் நிலையத்திற்கு வரும் புகார், அதன் விசாரணை மற்றும் விசாரணைக்குப் பிறகு வெளிவரும் சில எதிர்பாராத உண்மைகளும்தான் இப்படத்தின் கதைக்களம். திரையரங்குகளில் வெளியாகியிருந்த இத்திரைப்படம் தற்போது 'Amazon Prime Video' ஓடிடி தளத்தில் வெளியாகியுள்ளது.
Kisi Ka Bhai Kisi Ki Jaan (இந்தி) - Zee5
ஃபர்ஹாத் சம்ஜி இயக்கத்தில் சல்மான் கான், பூஜா ஹெக்டே, வெங்கடேஷ் உள்ளிட்டோர் நடிப்பில் உருவாகியுள்ள தெலுங்கு மொழி திரைப்படம் 'Kisi Ka Bhai Kisi Ki Jaan'. இது அஜித் நடிப்பில் வெளியான 'வீரம்' படத்தின் ரீமேக். திரையரங்குகளில் வெளியாகியிருந்த இத்திரைப்படம் தற்போது 'Zee5' ஓடிடி தளத்தில் வெளியாகியுள்ளது.
Bheed (இந்தி) - Netflix
'ஆர்டிகள் 15' இயக்குநர் அனுபவ் சின்ஹா இயக்கத்தில் ராஜ்குமார் ராவ், பூமி பெட்னேகர், தியா மிர்சா ஆகியோர் நடிப்பில் உருவாகியுள்ள இந்தி மொழித் திரைப்படம் 'Bheed'. திரையரங்குகளில் வெளியாகியிருந்த இத்திரைப்படம் தற்போது 'Netflix' ஓடிடி தளத்தில் வெளியாகியுள்ளது.
Bhediya (இந்தி) - Jio Cinema
அமர் கௌசிக் இயக்கத்தில் நடிகர் வருண் தவான், க்ரித்தி சனோன் நடித்த திரைப்படம் 'Bhediya'. காமெடி, ஹாரர், திரில்லர் திரைப்படமான இது திரையரங்குகளில் வெளியாகியிருந்த நிலையில் தற்போது 'Jio Cinema' ஓடிடி தளத்தில் வெளியாகியுள்ளது.
Me Vasantrao (மராத்தி) - Jio Cinema
நிபுன் தர்மாதிகாரி இயக்கத்தில் ராகுல் தேஷ்பாண்டே, ஷௌனக் சாண்டோர்கர், புஷ்கராஜ் சிர்புட்கர் உள்ளிட்டோர் நடிப்பில் கடந்த 2021ம் ஆண்டு மராத்தி மொழியில் வெளியான திரைப்படம் 'Me Vasantrao'. கிளாசிக்கல் ஹிந்துஸ்தானி இசையமைப்பாளர் வசந்த்ராவ் தேஷ்பாண்டேவின் வாழ்க்கை வரலாறுப் படமான இது, தற்போது 'Jio Cinema' ஓடிடி தளத்தில் வெளியாகியுள்ளது.
Vaahlam Jaao Ne (குஜராத்தி) - Jio Cinema
ஹர்திக் கஜ்ஜர், ஷ்ரேயாஷ் சம்பத் இயக்கத்தில் பிரதிக் காந்தி, தீக்ஷா ஜோஷி, சஞ்சய் கோரடியா நடிப்பில் திரையரங்குகளில் வெளியாகியிருந்த குஜராத்தித் திரைப்படம் 'Vaahlam Jaao Ne'. காதல் திரைப்படமான இது தற்போது 'Jio Cinema' ஓடிடி தளத்தில் வெளியாகியுள்ளது.
Operation Mayfair (இந்தி) - Netflix
சுதிப்தோ சர்க்கார் இயக்கத்தில் ஜிம்மி ஷெர்கில், ஹிருத்திகா செபர், சமி ஜோனாஸ் ஹீனி நடிப்பில் திரையரங்குகளில் வெளியாகியிருந்த இந்தி திரைப்படம் 'Operation Mayfair'. க்ரைம் திரில்லர் திரைப்படமான இது தற்போது 'Netflix' ஓடிடி தளத்தில் வெளியாகியுள்ளது.
Missing (ஆங்கிலம்) - Netflix
இயக்குநர்கள் வில் மெரிக் மற்றும் நிக் ஜான்சன் இயக்கத்தில் புயல் ரீட், ஜோவாகிம் டி அல்மேடா, கென் லியுங், ஆமி லாண்டேக்கர், டேனியல் ஹென்னி மற்றும் நியா லாங் உள்ளிட்டோர் நடிப்பில் திரையரங்குகளில் வெளியான திரைப்படம் 'MISSING'. த்ரில்லர் திரைப்படமான இது தற்போது 'Netflix' ஓடிடி தளத்தில் வெளியாகியுள்ளது.
from விகடன்
Comments