'திறமைகளை வெளிப்படுத்த வாய்ப்பு கொடுத்தது சிஎஸ்கே!' - மனம் திறக்கும் ரஹானே

கடந்த சீசனில் அஜிங்க்ய ரஹானே, ஸ்ரேயஸ் ஐயர் தலைமையிலான கொல்கத்தா நைட் ரைடர்ஸ் அணிக்காக விளையாடி இருந்தார். அவருக்கு 7 ஆட்டங்களில் மட்டுமே விளையாட வாய்ப்பு வழங்கப்பட்டிருந்தது. அதில் அவர், 133 ரன்கள் சேர்த்தார். ஸ்டிரைக் ரேட் 104 ஆக இருந்தது. இதைத் தொடர்ந்து இந்த சீசனுக்கான ஏலத்தில் ரஹானேவை கொல்கத்தா அணி விடுவித்திருந்தது. ஆனால் சிஎஸ்கே ரஹானேவை அவரது அடிப்படை தொகையான ரூ.50 லட்சத்துக்கு ஏலம் எடுத்தது.

அவரை ஏலம் எடுத்த போது சில எதிர்மறை விமர்சனங்கள் எழுந்தன. ஆனால் அவை அனைத்தையும் தனக்கு வழங்கப்பட்ட வாய்ப்புகளின் வழியாக உடைத்து எறிந்துள்ளார் ரஹானே. 15 சீசன்களிலும் அவரிடம் பார்க்காத செயல்திறனை தற்போது ரசிகர்கள் கண்டு வியப்பில் ஆழ்ந்து வருகின்றனர். முன்னாள் கிரிக்கெட் வீரர்களும், விமர்சகர்களும் ரஹானே தனது ஆட்டத்தை முற்றிலும் புதுப்பித்துக் கொண்டுள்ளதாக பாராட்டி வருகின்றனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்