கங்குலி, டிராவிட் உரையாடலை வெளிப்படுத்திய விவகாரம் - சஹாவிடம் விசாரணை நடத்தும் பிசிசிஐ

மும்பை: சவுரவ் கங்குலி, ராகுல் டிராவிட் உடனான தனிப்பட்ட உரையாடலை வெளிப்படுத்திய விவகாரத்தில் விருத்திமான் சஹாவிடம் விசாரணை நடத்த பிசிசிஐ முடிவெடுத்துள்ளது. இது புதிய சர்ச்சையை ஏற்படுத்தியுள்ளது.

இலங்கைக்கு எதிரான டெஸ்ட் கிரிக்கெட் தொடருக்கு இந்திய அணியில் தேர்வாகாத விருத்திமான் சஹா சில தினங்கள் முன், பயிற்சியாளர் ராகுல் டிராவிட், பிசிசிஐ தலைவர் சவுரவ் கங்குலி தொடர்பாக குற்றச்சாட்டுகளை முன்வைத்தார். தனது குற்றச்சாட்டில், "தென்னாப்பிரிக்க தொடரிலேயே என்னை தேர்வு செய்யக் கூடாது என்று தேர்வுக் கமிட்டி எடுத்த முடிவு, பயிற்சியாளர் ராகுல் டிராவிட் மூலமாக எனக்கு தெரிவிக்கப்பட்டது. கடந்த ஆண்டு நியூசிலாந்து அணிக்கு எதிரான கான்பூர் டெஸ்ட் போட்டியில் வலி மாத்திரைகளை எடுத்துக்கொண்டு இந்திய அணியின் வெற்றிக்காக 61 ரன்கள் எடுத்திருந்தேன். இந்த இன்னிங்சிற்கு பிறகு பிசிசிஐ தலைவர் கங்குலி தாதா வாட்ஸ்அப் மூலமாக என்னை பாராட்டினார். 'தான் பிசிசிஐ தலைவராக இருக்கும்வரை இந்திய அணியில் எனக்கு இடம் இருக்கும்' அன்று அவர் எனக்கு உறுதியளித்தார். தாதாவின் அந்த உறுதி எனக்குள் புது நம்பிக்கையை ஏற்படுத்தியிருந்தது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்