தமிழ்த் தொலைக்காட்சி ரசிகர்களுக்கு ஓர் இனிப்பான செய்தி. விகடன் டெலிவிஸ்டாஸின் 'தெய்வ மகள்’ மற்றும் ‘நாயகி’ இருவரும் மீண்டும் உங்களைச் சந்திக்க வருகிறார்கள். ஆம், வரும் மார்ச் 1, 2021 தேதியிலிருந்து கலைஞர் தொலைக்காட்சியில் இந்த இரு சீரியல்களும் பிரைம் டைமில் ஒளிபரப்பாக உள்ளன.
இதன் மூலம் தமிழ்த் தொலைக்காட்சிகளில் மக்கள் மனதில் நீங்கா இடம் பிடித்துள்ள கலைஞர் தொலைக்காட்சி, தமிழ் மக்களின் அபிமான பத்திரிகை குழுமமான விகடனுடன் இணைந்து ஒரு புதிய அத்தியாயத்தைத் தொடங்குகிறது.
கிருஷ்ணா, வாணி போஜன் நடித்த ‘தெய்வ மகள்’ சிறந்த நெடுந்தொடருக்கான தமிழக அரசின் விருது, விகடன் விருது உள்ளிட்ட பல்வேறு விருதுகளைப் பெற்ற சீரியல் என்பது நினைவிருக்கலாம். அதிலும் இந்தத் தொடரில் வரும் ‘அண்ணியார்’ கதாபாத்திரத்தின் வீச்செல்லாம் வேற லெவல் என்றே சொல்லலாம். சிறந்த எதிர்மறைக் கதாபாத்திரம், சிறந்த ஒளிப்பதிவு ஆகியவற்றிற்காகவும் விருதுகளை வாங்கிக் குவித்த ‘தெய்வ மகள்’ மார்ச் முதல் தேதியிலிருந்து திங்கள் முதல் வியாழன் தினமும் இரவு 7 மணிக்கு ஒளிபரப்பாக இருக்கிறது.
அதேபோல் திலீப்ராயன், விஜயலட்சுமி, வித்யா பிரதீப் நடிப்பில் குடும்பங்கள் கொண்டாடிய ’நாயகி’ தொடர் மார்ச் முதல் தேதியிலிருந்து திங்கள் முதல் வியாழன் வரை தினமும் இரவு 8 மணிக்கு ஒளிபரப்பாக உள்ளது.
என்ன, ரெண்டு பேரையும் வரவேற்கத் தயாராகிட்டீங்க தானே?
from விகடன்
Comments