ஐசிசி உலக டெஸ்ட் சாம்பியன்ஷிப்: மாற்றமில்லாமல் இந்திய அணி: ஆஸி.யைவிட அதிக புள்ளிகள் பெற்றும் நியூஸி பின்னடைவு

ஐசிசி உலக டெஸ்ட் சாம்பியன்ஷிப் புள்ளிப்பட்டியலில் ஆஸ்திரேலிய அணி தொடர்ந்து முதலிடத்திலும், இந்திய அணி 2-வது இடத்திலும் நீடிக்கின்றன. ஆஸ்திரேலிய அணியைவிட அதிகமான புள்ளிகள் பெற்றும் நியூஸிலாந்து அணி 3-வது இடத்திலேயே நீடிக்கிறது.

மெல்போர்னில் நடந்த ஆஸ்திரேலியாவுக்கு எதிரான பாக்ஸிங்டே டெஸ்ட் போட்டியில் இந்திய அணி 8 விக்கெட் வித்தியாசத்தில் வென்றது. இந்த வெற்றியால் 30 புள்ளிகள் பெற்று இந்திய அணி 2-வது இடத்தைத் தக்கவைத்துக் கொண்டது. இந்திய அணி தற்போது 390 புள்ளிகளுடன், 72.2 சதவீத வெற்றிகளுடன் 2-வது இடத்தில் நீடிக்கிறது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்